ރާއްޖޭގައި އަލުން ފަށަން ހަމަޖެއްސި، ހެލިކޮޕްޓަރުގެ ހިދުމަތް ނުފެށި ލަސްވާ ސަބަބު ހޯދަން ޓްރާންސްޕޯޓް އެންޑް ސިވިލް އޭވިއޭޝަން މިނިސްޓަރު މުހައްމަދު އަމީންއާ ސުވާލުކުރުމަށް ރައްޔިތުންގެ މަޖިލީހުގެ މާދަމާގެ ޖަލްސާއަށް ތާވަލުކޮށްފިއެވެ.
އެގޮތުން އެކަމާ ގުޅިގެން މާދަމާގެ ޖަލްސާގައި މިނިސްޓަރާ ސުވާލުކުރަން ހުށަހަޅުއްވާފައިވަނީ ގަލޮޅު އުތުރު ދާއިރާގެ މެންބަރު މުހައްމަދު އިބްރާހީމެވެ.
މެންބަރު މިނިސްޓަރާ ސުވާލުކުރަން ހަމަޖެހިފައިވަނީ މިދިޔަ މާޗު މަހު ރާއްޖޭގައި ހިދުމަތްދޭން ފަށާނެ ކަމަށް ބުނި ހެލިކޮޕްޓަރުގެ ހިދުމަތް މިހާތަނަށް ނުފެށި ލަސްވާ ސަބަބަކީ ކޮބައިތޯ ސާފުކުރުމަށެވެ.
ހަމައެހެންމެ އެ ހިދުމަތް ފެށޭނެ ކަމަށް މިހާރު ބެލެވޭ މުއްދަތަކީ ކޮބައިތޯ އާއި އެ ހިދުމަތްދޭން ހަވާލުކޮށްފައިވާނަމަ އެ ކުންފުނިން އަދިވެސް ހުރީ އެ ހިދުމަތް ފަށާ ގޮތަށްތޯވެސް މެންބަރު މުހައްމަދު އިބްރާހިމް ސުވާލުކުރަން ވަނީ ހަމަޖެހިފައެވެ.
One Response
ސާއިބޯނި ބޮކި