ރައްޔިތުން އެދޭ ގޮތަށް ކަންކަން ކުރިއަށް ގެންދަން ކައުންސިލްތަކުން އެއްބާރުލުން ދޭން ޖެހޭ: ރައީސް

Loading

Facebook
Twitter
WhatsApp

ރައްޔިތުން ބޭނުންވާ ގޮތަށް ކަންކަން ކުރިއަށް ގެންދިއުމަށް ކައުންސިލްތަކާއި މުއައްސަސާތަކުން ހުރަސްއެޅުމުގެ ބަދަލުގައި އެއްބާރުލުން ދޭން ޖެހޭ ކަމުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.

ރައީސް މިހެން ވިދާޅުވީ ދަރަވަންދޫ ރައްޔިތުންނާ ރޭ ބައްދަލުކުރައްވާ ވާހަކަފުޅު ދައްކަވަމުންނެވެ.

ރައީސުލްޖުމްހޫރިއްޔާ ވިދާޅުވީ ސިޔާސީ ވިސްނުމަށް ޖާގަދެވި، ހުރަސްތަކެއް ކުރިމަތިވުމުން އެ ކަމުގެ ސަބަބުން އާޚިރުގައި ގެއްލުން ވަނީ ރައްޔިތުންނަށް ކަމަށެވެ. އެހެންކަމުން ރައްޔިތުންނަށް ފުރިހަމަ ގޮތުގައި ސަރުކާރުން ހިދުމަތް ދެވޭނެ ގޮތަށް ކަންކަން ބައްޓަންކުރުމަކީ އަބަދުވެސް ސަރުކާރުގެ ސިޔާސަތު ކަމަށް ރައީސުލްޖުމްހޫރިއްޔާ ވިދާޅުވިއެވެ.

ދަރަވަންދު ރައްޔިތުންނާ މުޚާޠަބުކުރައްވާ ރޭ ރައިސުލްޖުމްހޫރިއްޔާ ދެއްކެވި ވާހަކަފުޅުގައި ލާމަރުކަޒީ ނިޒާމަށް އިސްލާހު ގެނައުމަށް ކުރަމުންދާ މަސައްކަތުގެ ޙަޤީޤަތް އޮޅުވާލުމަށް ބައެއް ފަރާތްތަކުން ޙަރަކާތްތެރިވާކަން ފާހަގަކުރައްވައި، ވިދާޅުވީ ކައުންސިލްތައް ހިންގަންޖެހޭނީ ރައްޔިތުންނަށް ފައިދާވާ ގޮތަށް ކަމަށާއި އަދި ރައްޔިތުން ބާރުވެރިކުރެވޭނެ ގޮތަށް ކަމަށެވެ. ސަރުކާރުން ހުށަހަޅއިގެން ރައްޔިތުންގެ މަޖިލީހުން ފާސްކޮށްފައިވާ އިޞްލާޙުތަކުގައި ވެސް ވަނީ އެ ކަންކަން ބަޔާންކޮށްފައި ކަމުގައި ރައީސުލްޖުމްހޫރިއްޔާ ވިދާޅުވިއެވެ.

Loading

One Response

  1. މާނައަކީ ކައުންސިލްތަށްވެސް ދޭސޭ ހުރިހާ އަންހެނެއްގެޖަނގިޔާވެސް ދޭށޭ ފިރިހެނެއްގެ ސޯޓް ވެސްދޭށެ އޭރުންނޭއަދިވެސް ހިތްފުރެން އޮތީ!

Leave a Reply to އަދޮން Cancel reply

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.

ފަހުގެ އަޕްޑޭޓް