ކޮލަމާފުއްޓަށް މަސްތުވާތަކެތި އެތެރެކުރަން އުޅުނު މީހަކު ހައްޔަރުކޮށް ބަންދަށް 11 ދުވަސް ޖަހައިފިއެވެ.
މި މައްސަލައިގައި ހައްޔަރުކޮށްފައި ވަނީ ޝިފާއުﷲ ސައީދު (44އ) ދޮންވެލި/ ގއ. ކޮލަމާފުށި އެވެ.
ފުލުހުން މިއަދު ބުނީ އޭނާ ހައްޔަރުކުރީ މިދިޔަ ބުދަ ދުވަހުގެ ވަގުތެއްގައި ހިންގި އޮޕަރޭޝަނެއްގައި ކޮލަމާފުއްޓަށް އޭނާ މަސްތުވާތަކެތި އެތެރެކުރަން އުޅޭކަމަށް ލިބުނު މައުލޫމާތަކާ ގުޅިގެން ކަމަށެވެ.
އަދި އޭނާ ކޮލަމާފުށްޓަށް ގޮސްފައި ވަނީ އާރްޓީއެލް ފެރީގައި ކަމަށް ފުލުހުން ބުނެފައި ވެއެވެ.
ފުލުހުން ބުނީ އޭނާ މަސްތުވާތަކެތި އެތެރެކުރަން އުޅޭ މައުލޫމާތު ލިބިފައިވާތީ ހިންގި އޮޕަރޭޝަނުގައި ބަލައިފާސްކުރުމުން އޭނާ ގެނައި ފޮށިގަނޑެއްގެ ތެރެއިން މަސްތުވާތަކެތި ކަމަށް ބެލެވޭ ޕެކެޓެއް ފެނިފައިވާ ކަމަށެވެ.
އެހެންކަމުން އޭނާ ހައްޔަރުކޮށް ބަންދަށް 11 ދުވަސް ޖަހާފައިވާ ކަމަށް ފުލުހުން ހާމަކުރެއެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.
One Response
mee dhonveli Shuaullah Saeed(FSM DMD)ge beybe. Mashhoor Ahmed Nareesh geves. maadhan dhookollaane