ގްރޭޓަރ މާލެ ސަރަހައްދުގެ ގެސްޓްހައުސްތަކާއި ސިޓީ ހޮޓާތައް ހުޅުވަން ހުއްދަ ދިނުމަށް ސަރުކާރުން ނިންމަވައިފިއެވެ. ހުއްދަ ދިނުމަށް ނިންމާފައިވަނީ މިމަހުގެ 14 ވަނަ ދުވަހުއެވެ. މިކަން ހާމަ ކުރައްވައިފަނީ މިނިސްޓަރ އޮފް ޓޫރިޒަމް ޑރ. ޢަބްދުﷲ މައުސޫމް ކުރެއްވި ޓްވީޓެއްގައެވެ.
Yes it's happening. #GreaterMale' area hotels and guesthouses will be permitted to operate from 14th December 2020 (72 hrs exit PCR test required).
Thanks HEP Solih @ibusolih #TAGTeam #HEOC @HPA_MV
and @MoHmv. Now we can welcome 2021 in style.#TogetherWeCan
@visitmaldives— Abdulla Mausoom (@Mausoom_Maus) December 7, 2020
މިނިސްޓަރ ކުރެއްވި ޓްވީޓްގައި ވާގޮތުން އެތަންތަނަށް އަންނަ ފަތުރުވެރިންނަށްވެސް އާދެވޭނީ 72 ގަޑިއިރު ނުވާ ނެގަޓިވް ޕީސީއާރް ޓެސްޓެއްގެ ނަތީޖާއާއި އެކުގައެވެ. މިއީ އެހެނިހެން ގެސްޓްހައުސް ތަކާއި ރިޒޯޓްތަކައް ފަތުރުވެރިން ގެންދިޔުމުގައި ވެސް މިހާރު ޢަމަލުކުރަމުން އަންނަ އުސޫލެވެ.
މިނިންމުމާއި ގުޅިގެން ބައެއް ފަރާތްތަކުގެ ޝަކުވާ ވަނީ ސަރުކާރަށް އަމާޒުވެފައެވެ. މިއުސޫލުގެ ދަށުން ދިވެހިންނަށްވެސް ރަށްރަށަށް ދެވޭނެ މަގު ތަނަވަސް ކޮށްދިނުމަށް ދަންނަވާ މިނިސްޓަރގެ ޓްވީޓަށް ބައެއް ފަރާތްތަކުން ރައްދު ދީފައިވެއެވެ.
ކޯވިޑް19 ގެ ކޭސްއެއް މާލެއިން ފެނިގެން އެޕްރީލް މަހު ރާއްޖެ ލޮކްޑައުން ކުރި ފަހުން، މާލޭގެ ގެސްޓްހައުސްތައް ހުޅުވުމަށް މި ހުއްދަ ދެނީ ފުރަތަމަ ފަހަރަށެވެ.
