ސޫދާންގެ ވެރިކަމާހެދި ހަނގުރާމަ ކުރާތާ ދެއަހަރުވެފައިވާއިރު، އަސްކަރީ ބާރުތަކުން ވެރިރަށް ޚާތޫމްގައި ހުންނަ ރިޔާސީ ގަނޑުވަރަށް ވަދެ އެތަން ހިޞާރު ކޮށްފައިވާ ކަން އިއުލާން ކޮށްފިއެވެ. ސަރުކާރު ސިފައިންނާއި ދެކޮޅަށް 2023 ން ފެށިގެން ހަގުރާމަ ކުރަމުން އައި ރެޕިޑް ސަޕޯޓް ފޯސަސް އާއި ދެކޮޅަށް ހިންގޭ ހަރަކާތްތައް ފާއިތުވި ދެތިން ހަފްތާގައި ސިފައިން ވަނީ ވަރަށް ވަރުގަދަ ކޮށްފައެވެ.އެހެން ކަމުން ޚާތޫމް ގެ ވެރިކަމުގެ ތަޚްތު އަނބުރާ ލިބުމަކީ އަސްކަރިއްޔާއަށް ލިބުނު ވަރަށް ބޮޑު ކާމިޔާބީ އެކެވެ.
ވެރިރަށުގެ ކޮންޓްރޯލް އަސްކަރިއްޔާއިން ހޯދަމުން ދިޔަ ނަމަވެސް ސޫދާނުގެ ވަރަށް ބޮޑުބައެއް،ޚާއްސަކޮށް ހުޅަނގު ފަޅީގެ ބޮޑުބައެއް އަދިވެސް އޮތީ ރެޕިޑް ސަޕޯޓް ފޯސަސްގެ ބާރުގެ ދަށުގައެވެ.
ވެރިރަށް ހިފުމަށްފަހު އަސްކަރިއްޔާއިން ވަނީ ފިލަން މަސައްކަތް ކުރަމުންދާ އާރު.އެސް.އެފް ހަގުރާމަވެރިން އަމާން ދިނުމަށް ގޮވާލާފައެވެ. ހަމަ އެއާ އެކުއެކީ އާރު.އެސް.އެފް ހަނގުރާމަވެރިން ކޮންޓްރޯލް ކުރަމުންދާ ޓޫޓީ ޖަޒީރާ ހިފުމަށް ތައްޔާރު ވަމުން ދާ ކަމަށް އަސްކަރިއްޔާއިން ބުނެފައި ވެއެވެ.
އދން ބުނާ ގޮތުގައި، މުޅިދުނިޔޭގަވެސް ކުރިމަތިވި އެންމެ ބޮޑު ”ހިއުމަނިޓޭރިއަން ކްރައިސިސް“ ކުރިމަތިވެފައިވަނީ ސޫދާނުގެ ދެއަހަރުވީ ސިވިލް ވޯ ގެ ސަބަބުންނެވެ.
One Response
ސޫދާނު މިއީ ޕާކިސްތަނު ކަހަލަ މިލިޓަރީ ޚަރާބު ބައެއް ތިބޭ ތަނެކެވެ. ކޮންމެފަހަރަކުވެސް ގައުމުގެ ރައްޔަތުން ހޮވާ ސަރުކާރެއް މިލިޓަރީ ބަޣާވާތަކުން ނިންމާލާނެއެވެ. އެކަމާޢީހެދި ގައުމުގައި އަބަދުވެސް ނަސްލީ ހަނގުރާމަޔާއި މަރުވެފައިވާ އެކޮނޮމީއެކެވެ. ރައްޔަތުން ވަނީ ފަގީރެވެ. ނަސްލީ ކޯޅުންތައް ހަމަ ހަބޭސް! ވަރަށް ދެރަވަރު!