ދަ ޑިމޮކްރެޓްސް (ޑެމްސް) ގެ ރައީސްކަމުން އިސްތިއުފާދެއްވި ޙަސަން ލަޠީފް އެމްޑީޕީއަށް ސޮއިކުރައްވައިފިއެވެ.
މިވަގުތު ޑިމޮކްރެޓްސްގެ ރައީސްކަމުން އިސްތިއުފާދެއްވުމަކީ ވަރަށް މުހިންމު ކަމެއް ކަމަށް ވިދާޅުވެ، ޙަސަން ލަޠީފް އިސްތިއުފާދެއްވީ އިއްޔެގައެވެ.
ޙަސަން މިއަދު ވަނީ އެމްޑީޕީއަށް އަލުން ސޮއިކުރައްވައިފައެވެ.
ޙަސަން އެމްޑީޕީއަށް އަލުން ސޮއިކުރައްވާފައިވާއިރު، އޭނާގެ ކުރިން ޑިމޮކްރެޓްސްގެ އިސް 3 ބޭފުޅަކު އެމްޑީޕީއަށް ސޮއިކުރައްވާފައިވެއެވެ.
އެއީ މިދިޔަ ރިޔާަސީ އިންތިޚާބުގައި ޑިމޮކްރެޓްސްގެ ރަނިންގމޭޓްގެ ގޮތުގައި ހުންނެވި އެސްޓީއޯގެ ކުރީގެ މެނޭޖިންގ ޑިރެކްޓަރު ޙުސައިން އަމްރާއި، ރައީސް އޮފީހުގެ ކުރީގެ މިނިސްޓަރު މުޙައްމަދު ޝިފާޒާއި، ރައްޔިތުންގެ މަޖިލީހުގެ މެދު ހެންވޭރު ދާއިރާގެ ކުރީގެ މެންބަރު ޢަލީ އާޒިމެވެ.
3 Responses
ވަށަފަރު މީހެއްތަ މިއީވެސް. އެމް ޑީ ޕީ ރޫޅައި ނިމުނީ ދޯ. ދެން ކޯއްޗެއްބާ ރޫޅައިލާނީ? ރައްޔަތުންނޭ ގޮވާ ޖައްސަނީ ހުސް ގޭމު!
ޅަ ޒުވާން ކުދިން ކޮޅަކަށް އުންމީދު ދީފާ އެ ރޫޅާލީއެވެ. އަންނިގެ އަމިއްލަ އެދުމާއިހެދި ގައުމަށް ހަމަޖެހުމެއް ނެތެވެ. ވަރަށް ދެރައެވެ. އަލައިކާފަދަ އުންމީދީ ކުދިންގެ ސިޔާސީ މުސަތަގުބަލެއް ދަނޑިމޯ ޕާޓީގައެއް ނެތެވެ. ދެން އެހެން އާ ޕާޓީއަކާ ގުޅުން ބުއްދިވެރިއެވެ. އަދި އެގުޅޭ ޕާޓީއެއްގައި އިއްސަފުގައި ޙަރަކާތްތެރިވާ މީހުންގެ ވަނަވަރު އެބައެއްގެ ޢުމުރުން ފިރިފުރާވީއްސުރެ ބަލައިލެއްވުން އެދެމެވެ. އެހެނީ ގިނައީ ހަމަ ދޯކޭ ބާޒްތަަކެވެ.
އެމްޑީޕީ ރޫޅާލެވުނީ ތަ؟ ވެރިކަން ނޫންކަމެއް ބޭނުމެއްނުވެއެވެ. އެމްޑީޕީގެ ވެރިކަން 2023 ގައި ފުނޑާލައި އަމިއްލަ ޕާޓީހަދާފަ އެންމެފަހުން އެ ރޫޅާލީ އެމްޑީޕީ ރޫޅާލަން އެވެރިން ހެދި ޕާޓީއެވެ. ޒުވާން އެތައް ބަޔަކަށް އުންމީދެކޭ ހީވެ ގުޅެވުނީތީ އެމީހުން މިއަދު ހިތާމަ ކުރާނެއެވެ. ނަޝީދު އާއި އޭނާގެ މިބައިގަނޑަކީ ވެރިން ނޫންކަމެއް ބޭނުންވާ ބައެއްނޫނެވެ. މިދޭތެރެއިން ޕީއެންސީ އާއިވެސް އިންނަން ވާހަކަދެކުވުނޭ ކިޔައެވެ. އޭގެ ކުރިން އެމްޑީޕީގެ ވެރިކަން ފެއިލް ކޮށްލުމަށްޓަކައި ޕީޕީއެމް އާއިވެސް އިނެވެ. ފަހުން އިންނަންވެގެން ރަންކީވަރަށް ރަން ނުދިނުމުން ވަރިވީޔޯލައެވެ. މި މީހުންގެ މަޅިން ގައުމު ސަލާމަތްވާން އެބަޖެހެއެވެ. ކޮންމެވެސް އާ ފިކުރަކާއި އެކު ތެދުވެރީން ސިޔާސީ މައިދާނުން މިވަނީ ފެންނަން ޖެހިފައެވެ. އެނޫނީ ދިވެހީންގެ ރާއްޖެ ވިއްކާލާފައ މިބައިގަނޑު ފިލާނެއެވެ.