މާލޭގެ ގެސްޓް ހައުސްއެއްގެ ތެރޭގައި މީހަކު ރަހީނު ކުރި މައްސަލައިގައި ދެ މީހަކު ހައްޔަރު ކޮށްފިއެވެ.
ފުލުހުން ރޭ ބުނީ މާފަންނު ގެސްޓުހައްސްއެއްގައި މީހަކު ބަންދުކޮށްގެން ގެންގުޅޭކަމުގެ ރިޕޯޓު ލިބިފައިވާ ކަމަށެވެ.
އަދި ބަންދުކޮށްގެން ގެންގުޅެފައި ވަނީ ނޭޕާލު މީހެއް ކަމަށާއި އޭނާގެ ހާލު ރަނގަޅުކަމަށް ފުލުހުން ބުނެފައި ވެއެވެ.
އެގޮތުން އެ މައްސަލައާއި ގުޅިގެން ބަންގްލަދޭޝްއަށް ނިސްބަތްވާ ދެ ފިރިހެނަކު ހައްޔަރު ކޮށްފައިވާ ކަމަށް ފުލުހުން ވަނީ ބުނެފައެވެ.
މީގެ އިތުރުން މި މައްސަލައާއި ގުޅިގެން ބަލަން ޖެހޭ ކަންކަން ބަލަމުން އަންނަ ކަމަށް ފުލުހުން ބުނެފައި ވެއެވެ.