ލޭންޑިން ކްރާފްޓެއް ބަންޑުން ޖަހައިލައި، އޭގެން ދަތުރު ކުރި މީހަކު ގެއްލިއްގެން ހޯދަން ފަށައިފިއެވެ.
މިކަން ހާމަކޮށް އެމްއެންޑީއެފުން ދެންމެ ބުނީ ބަންޑުން ޖަހައިލީ ރ. ކުޑަކުރަތު ރިސޯޓުން ފުރައިގެން މާލެއަށް ދަތުރުކުރި ”ލިއޯ ޕާލް“ ނަމަކަށް ކިޔާ ލޭންޑިން ކްރާފްޓެއް ކަމަށެވެ.
އަދި މި ލޭންޑިން ކްރާފްޓުން ދަތުރުކުރި ފަސް މީހުންގެ ތެރެއިން ހަތަރު މީހުން ކަނޑުވެފައި ވަނިކޮށް ރޭ ފަތިހު ވަނީ ސީއެމްބިއުލޭންސް އަކަށް ނަގާފައި ކަމަށް އެމްއެންޑީއެފުން ހާމަކުރެއެވެ.
މިގޮތުން އޭގެން ދަތުރުކުރި ފަސް މީހުންގެ ތެރެއިން ގެއްލުނު ބިދޭސީ މީހާ ހޯދުމުގެ މަސައްކަތުގައި ފާސްޓް އިންޓަސެޕްޓާ ކްރާފްޓް ހަކުރާ ދަނީ ހަރަކާތްތެރިވަމުން ކަމަށް އެމްއެންޑީއެފުން ބުނެފައި ވެއެވެ.
