މެލޭޝިއާ ސިފައިންގެ ޕެރޭޑް ރިހާސަލެއްގެ ތެރެއިން ވައިގެ ތެރޭގައި ދެ ހެލިކޮޕްޓަރު ޖެހި 10 މީހުން މަރުވެއްޖެއެވެ. 

ސޯޝަލް މީޑިއާގައި މި ހާދިސާގެ ވީޑިއޯ މިހާރު އާންމުވެފައިވާއިރު، އެއް ހެލިކޮޕްޓަރުގެ ފިޔަގަނޑު އަނެއް ހެލިކޮޕްޓަރުގައި ޖެހޭ މަންޒަރު އެ ވީޑިއޯއިން ފެނެއެވެ. 

ރޯޔަލް މެލޭޝިއަން ނޭވީއިން އަންގާރަ ދުވަހު ނެރުނު ބަޔާނެއްގައި ބުނެފައިވަނީ މެލޭޝިއާ ގަޑިން 9:32 ގައި މެރިޓައިމް އޮޕަރޭޝަން ހެލިކޮޕްޓަރަކާއި ފެނެކްއެއް ޖެހި ލުމުޓް ބޭސްގައި ހާދިސާއެއް ހިނގިކަމަށާއި، އެހާަދިސާގައި މެރިޓައިމް އޮޕަރޭޝަނުގެ ހެލިކޮޕްޓަރުގެ ކްރޫގެ 7 ފަރާތަކާއި، ފެނެކްގެ 3 ފަރާތެއްގެ ފުރާނަ ގެއްލުނުކަމަށެވެ.