މިއަދު ހިނގަމުން އަންނަ ރައްޔިތުންގެ މަޖިލީހުގެ އިންތިޚާބު 2024ގައި މިއަދު މެންދުރު 13:00 އާ ހަމައަށް ވޯޓުލާފައިވާ މީހުންގެ ނިސްބަތް 113،627 އަށް އަރައިފިއެވެ.
އީސީން ބުނީ މިއަދު 1 ޖެހުމާ ހަމައަށް ވޯޓުލީ މީހުންގެ އަދަދު ވަނީ 113،627 އަށް އަރާފައި ކަމަށާއި ވޯޓުލާފައި ވަނީ 61،651 ފިރިހެނުންނާއި 51،976 އަންހެނުން ކަމަށެވެ.
އަދި މިހާތަނަށް އައިއިރު ވޯޓުލާފައި ވަނީ %39.92 މީހުން ކަމަށް އީސީން ހާމަކުރެއެވެ.
މީގެ އިތުރުން ވޯޓު ނުލާ މިހާތަނަށް ތިބީ 171،036 މީހުން ކަމަށް އީސީން ހާމަކުރެއެވެ.
މި އިންތިޚާބުގައި ވޯޓުލުން ކުރިއަށް ދާނީ މިއަދު ހަވީރު 5:30 ހަމައަށެވެ. ހަމަ އެހެންމެ މި އިންތިޚާބުގައި ޖުމްލަ 284،663 މީހަކަށް ވޯޓުލުމުގެ ޙައްގު ލިބިފައި ވާއިރު 145،302 ފިރިހެނުންނާއި 139،361 އަންހެނުން އޭގެ ތެރޭގައި ހިމެނެއެވެ.
