މި މަހުގެ 21 ވަނަ ދުވަހު ބާއްވަން ހަމަޖެހިފައިވާ ރައްޔިތުންގެ މަޖިލީހުގެ އިންތިހާބާ ގުޅިގެން ކުރާ އެންޓި-ކެމްޕެއިނުގެ މައްސަލަތައް ރިޕޯޓުކުރުމަށް އިލެކްޝަންސް ކޮމިޝަން (އީސީ) އިން ހާއްސަ ނަމްބަރެއް ތައާރަފުކޮށްފި އެވެ.
މިކަން ހާމަކޮށް އީސީން ބުނީ މަޖިލިސް އިންތިހާބާ ގުޅިގެން އެހެން ކެންޑިޑޭޓެއްގެ އިންތިހާބީ ހައްޤަކަށް އުނިކަމެއް އަންނަ ފަދަ ކަމެއް ނުވަތަ އެންޓި-ކެމްޕެއިނުގެ އަމަލުތައް މިހާރު ރިޕޯޓުކުރެވޭނެ ކަމަށެވެ.
އެގޮތުން އީސީން ވަނީ އެންޓި ކެމްޕެއިނު ކުރަމުން އަންނަކަން ފާހަގަކުރެއްވިއްޖެ ނަމަ ފޮޓޯ އާއި ވީޑިއޯއާއި އެކު 7962129 އަށް ވަޓްސްއެޕް މެދުވެރިކޮށް ޝަކުވާ ހުށަހެޅުމުގެ ފުރުސަތު ހުޅުވާލާފައިވާ ކަން ހާމަކޮށްފައެވެ.
މި މަހުގެ 21 ވަނަ ދުވަހު ބާއްވަން ހަމަޖެހިފައިވާ ރައްޔިތުންގެ މަޖިލީހުގެ އިންތިހާބުގެ ވޯޓުލުން އޮންނާނީ ހެނދުނު 08:00 އިން ފެށިގެން ހަވީރު 5:30 އާ ހަމައަށެވެ.
