މި ސަރުކާރު މި ވަނީ ހަމަ މަގުން ނައްޓާފައި ކަމަށާއި މިފަދަ ބަޔަކު ވެރިކަމުގައި ބައިތިއްބަން ހެޔޮ ނުވާނެ ކަމަށް ކުރީގެ ރައީސް އިބްރާހިމް މުހައްމަދު ޞާލިހް ވިދާޅުވެއްޖެއެވެ.
ރައީސް ޞާލިހް މިހެން ވިދާޅުވީ އެ މަނިކުފާނުގެ އުފަން ރަށް ޅ. ހިންނަވަރުގައި ރޭ ބޭއްވި ކެމްޕެއިން ޖަލްސާއެއްގައި އެ ދާއިރާއަށް ވާދަކުރައްވާ މެންބަރު ޖީހާން މަހުމޫދުގެ ކެމްޕޭނު ޖަލްސާގައި ވާހަކަފުޅު ދައްކަވަމުންނެވެ.
އެގޮތުން ކުންފުނިތަކުގެ މުވައްޒަފުން މި ސަރުކާރާއެކު މަސައްކަތްކުރަން އެ ކުންފުނިތަކުގެ ވެރިންނަށް އަންގާ އެކުގައި މަސައްކަތް ނުކޮށްފިނަމަ އަޅަންޖެހޭ ފިޔަވަޅު އަޅާ ވަކިކުރަން ގޮވާލާ ކަމަށް ޞާލިހް ވަނީ ފާހަގަކުރައްވާފައެވެ.
ދިއްދޫ ފެނަކަ އެސިސްޓެންޓު މެނޭޖަރު ޕީއެންސީގެ ޖަލްސާގައި ކަރަންޓަކީ ދޭންވާނެ އެއްޗެއް ނޫން ކަމަށާއި ވޯޓު ދޭ މީހުންނަށް އެކަނި ކަރަންޓް ދޭން ގޮވާލާފައިވާ ކަން ފާހަގަކުރައްވާ ޞާލިހް ވިދާޅުވީ މިފަދަ ބަޔަކު ވެރިކަމުގައި ބައިތިއްބަން ހެޔޮނުވާނެ ކަމަށެވެ.
މިގޮތުގައި ކުރިއަށްދާ ނަމަ ކުރިޔަށް އޮތީ ނާމާން ދުވަސްތަކެއް ކަން ފާހަގަކުރައްވާ ޞާލިހް ވިދާޅުވީ ސަރުކާރު މިވަނީ ހަމަ މަގުން ނައްޓާފައި ކަމަށާއި ދޮގުތައް ހަދައިގެން ރައްޔިތުންނަށް އޮޅުވާލުން ނޫން ކަމެއް ނުކުރާ ކަމަށެވެ.
މަޖިލީހުގެ މެޖޯރިޓީ ނެގުން މުހިންމުވާ އެންމެ މުހިންމު ސަބަބަކީ މި ސަރުކާރުން ބޭނުންހާ ގޮތަކަށް މީހުން ވަޒީފާއިން ވަކިކުރަމުންދާ ކުރުން ހުއްޓުވުމަށާއި ބޭނުން ގޮތަކަށް މީހުން ވަޒީފާއިން ވަކިނުކުރެވޭނެކަން ގާނޫނީ ގޮތުން ކަށަވަރުކޮށްފައި ބޭއްވުމަށް ކަމަށް ޞާލިހް ވިދާޅުވެފައި ވެއެވެ.
މީގެ އިތުރުން މަޖިލީހުގެ މެޖޯރިޓީ ލިބުމާއެކު ބިލެއް މަޖިލީހަށް ހުށަހަޅާ ބޭނުންހާ ގޮތަކަށް މީހުން ވަޒީފާއިން ވަކިނުކުރެވޭނެކަން ޤާނޫނުގައި ލިޔެ ތަންފީޒު ކުރާނެ ކަމަށް ޞާލިހް ވިދާޅުވިއެވެ.
2 Responses
Verikamah dhahivethiviyas thidhen fukebboduvaru. Verimuga hureeri kanthah kurigoi handhaan ebahurithoa
އަސްލު ވެސް ދޯ. ކަނޑު ވިއްކާލައި ގައުމުބދަރަނިބޮ ކޮށްލާ މިސްރާބު ގެއްލި ގައުމު އަޅުވެތި ކޮށްފާ ބަލާބަލަ ދައްކާ ވަހަކަ