އިސްލާމީ ކަންތައްތަކާބެހޭ ވުޒާރާއިން ފިޠުރު ޢީދު 1445 އާއި ގުޅިގެން ”ޢީދޭ އައީ“ މަދަހަ އަލްބަމް ނެރެފިއެވެ.   

މި މިދަހަ އަލްބަމް ނެރުއްވީ އިސްލާމީ ކަންތައްތަކާބެހޭ ވަޒީރު  ޑރ.  މުޙައްމަދު ޝަހީމް އަލީ ސަޢީދުއެވެ. 

މަދަހަ އަލްބަމް ނެރުއްވުމަށް ބޭއްވި ރަސްމިއްޔާތުގައި  ވަޒީރު  ޑރ.  ޝަހީމް ވިދާޅުވީ، ފިޠުރު ޢީދުގެ އުފާ ފާހަގަކުރަމުންދާއިރު، މަދަހަ  އަލްބަމެއް އެ  ވުޒާރާއިން  ނެރުމުގެ މަޤްސަދަކީ  މި މުނާސަބު  ދުވަހުގައި  ބޭނުން ކުރުމަށް ކަމަށެވެ.

އެހެންކަމުން ވީހާވެސް ގިނަ  ބޭފުޅުން  މި  މަދަހަތައް  އަޑުއައްސަވައި  ބޭނުން  ކުރުމަށް ވަޒީރު  ވަނީ  އިލްތިމާސް ކުރައްވާފައެވެ. 

އިސްލާމިކް މިނިސްޓްރީން ބުނީ މި މަދަހަ އަލްބަމްގައި ކުރީގެ މަދަހަތަކާއި ފަހުގެ މަދަހަތައް ހިމެނޭނެ ކަމަށެވެ. 

 އަދި މި އަލްބަމްގެ މަދަހަތައް ހިލޭ ޑައުންލޯޑް ކުރެވޭނެ ކަމަށް އެ މިނިސްޓްރީން ބުނެފައި ވެއެވެ. 

މިއަދު ޢީދު ނަމާދަށް ފަހު ނެރުނު މަދަހަ އަލްބަމްގައި ހިމެނޭ ބައެއް  މަދަހަތަކަކީ“ޢީދޭ އައީ”، “ޢީދުއައީ ހިނިތުންވަމުން”، “ޢީދު މުބާރަކް”، “ބަރަކާތްތެރި ޢީދުގެ ސަލާމް” އަދި “ތަހުނިޔާ ދޭށޭ ކިޔާ“  ފަދަ މަދަހަތަކެވެ. 

ރައީސުލްޖުމްހޫރިއްޔާ  ޑރ.  މުޙައްމަދު  މުޢިއްޒުގެ  ވަޢުދުފުޅުގެ  ދަށުން  ކުލަގަދަ  ގޮތެއްގައި  ރާއްޖޭގެ  އެކި  ހިސާބުތަކުގައި  ޢީދު  ފާހަގަކުރަމުންދާއިރު އިސްލާމިކް މިނިސްޓްރީން މިވަނީ  ޢީދާއި  ގުޅޭ  މަދަހަތަކެއް  އާންމުންނަށް  އަޑުއަހާލެވޭގެ  ގޮތަށް  ގެނެސްދީފައެވެ. 

މިގޮތުން މި މަދަހަތައް ސައުންޑް ކުލައުޑުން އަޑު އަހާލެވޭނެ ކަމަށް އެ މިނިސްޓްރީން ބުނެފައި ވެއެވެ. 

ޢީދު މަދަހަ އަލްބަމް: “ޢީދޭ އައީ”

✅ ޑައުންލޯޑް ކުރައްވާ‏https://shorturl.at/bkluN