ރީބްރޯޑްކާސްޓް ކުރުމުގެ ލައިސަންސަށް އެދުމުގެ ފުރުސަތު ހުޅުވާލައިފި

88

ބްރޯޑްކާސްޓިން އާއި ރީބްރޯޑްކާސްޓިން ލައިސަންސަށް އެދުމުގެ ފުރުސަތު މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) އިން ހުޅުވާލައިފި އެވެ.

ބްރޯޑްކާސްޓިން ދުވަސް ފާހަގަކުރަން ބްރޯޑްކޮމް އިން ބޭއްވި ވާޗުއަލް ނޫސްވެރިންގެ ބައްދަލުވުމުގައި އެ ކޮމިޝަނުގެ ރައީސާ މަރިޔަމް ވަހީދާ ވިދާޅުވީ، ލައިސަންސަށް އެދި ހުށަހަޅަން ގިނަ ބަޔަކު ބޭނުންވާ ކަމަށާއި އެ ކޮމިޝަނުން ދޫކުރާ ލައިސަންސް ފަސް އަހަރުގެ މުއްދަތަކަށް ބޭނުންކުރެވޭނެ ކަމަށެވެ.

މިހާތަނަށް 39 ފަރާތަކަށް ބްރޯޑްކާސްޓިން ލައިސަންސް ވަނީ ދޫކޮށްފައެވެ. 11 ފަރާތަކުން ޓީވީއަށް ބޭނުންވާ ލައިސަންސް ނަގާފައިވާއިރު، ބާކީ 28 ލައިސަންސަކީ ރޭޑިއޯ ލައިސަންސެވެ. 100 އަށް ވުރެ ގިނަ ފަރާތުން ރީ-ބްރޯޑްކާސްޓުކުރުމުގެ ލައިސަންސް ނަގާފައިވާ ކަމަށް މަރިޔަމް ވަހީދާ ވިދާޅުވިއެވެ.

ބްރޯޑްކޮމް އިން މައުލޫމާތު ދޭ ގޮތުގައި މި ދެ ކަމަށް އެދި ހުށަހެޅުމުގެ އެންމެ ފަހުގެ ތާރީހަކީ އަންނަ ޑިސެމްބަރު މަހުގެ 31 ވަނަ ދުވަހެވެ. އަދި ކުރިން ދޫކޮށްފައިވާ ލައިސަންސް، އާ ފޯމެޓަށް ބަދަލުކުރަން ހުށަހެޅުމުގެ އެންމެ ފަހު ތާރީހަކީ އަންނަ އަހަރުގެ އޭޕްރިލްގެ ތިން ވަނަ ދުވަހެވެ. އާ ފޯމެޓަށް ލައިސަންސް ބަދަލުކުރަން އެއްވެސް ހަރަދެއް ކުރަން ނުޖެހޭނެ ކަމަށް ބްރޯޑްކޮމް އިން ބުންޏެވެ

ހިޔާލު ދެއްވާ

މިތަނުގައި ހިޔާލު ލިޔުއްވާ
ނަން ލިޔުއްވާ