އެޗްއާރުސީއެމްގެ މެންބަރުކަމަށް ކުރިމަތިލުމުގެ ފުރުސަތު އިއްޔެ ހުޅުވާލައިފިއެވެ.
ރައީސް އޮފީހުން ކުރި އިއުލާނެއްގައި ބުނީ އެޗްއާރްސީއެމްގެ ހުސްވެފައިވާ މަގާމަށް ކުރިމަތިލުމުގެ ފުރުސަތު ހުޅުވާލައިފައިވާ ކަމަށާއި އަންނަ އާދީއްތަ އަދި ހޯމަ ދުވަހު ފޯމު ބަލައިގަންނާނެ ކަމަށެވެ.
އެޗްއާރުސީއެމްގެ މެންބަރުކަމަށް ހުޅުވައިލީ އެ ކޮމިޝަނުގެ ނައިބު ރައީސް އަޙްމަދު އަދުހަމް މެންބަރުކަމުން އިސްތިއުފާ ދެއްވުމުންނެވެ.
އެ ކޮމިޝަންގެ ގާނޫނުގައި ވާގޮތުން މެންބަރުކަމުގެ މަގާމު ހުސްވާތާ 60 ދުވަހުގެ ތެރޭގައި މެންބަރަކު އައްޔަން ކުރަން ޖެހެއެވެ.
އެޗްއާރުސީއެމްގައި މިވަގުތު ތިއްބެވީ ކޮމިޝަންގެ ރައީސާ މަރިޔަމް މުނާއާއި މުއުމިން ވަޙީދުއާއި އާމިނަތު ޝިފާޢަތު ޢަބުދުއްރައްޒާގު އަދި ސަމާޢު އަޙްމަދު ނަޖީބެވެ.
