ވީހާވެސް އަވަހަށް ނުކުމެ ގާނޫނީ ހައްގުގެ ބޭނުން ކުރައްވައި
ވޯޓުލުމަށް ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ.މުޙައްމަދު މުޢިއްޒު އިލްތިމާސް ކުރައްވައިފިއެވެ.
މުޢިއްޒު މި ގޮތަށް އިލްތިމާސް ކުރެއްވީ ތާޖުއްދީން ސްކޫލުގައި ހުރި ވޯޓު ފޮށްޓަށް ވޯޓުލެއްވުމަށްފަހު ނޫސްވެރިންނާ ބައްދަލު ކުރައްވައި ވާހަކަ ދައްކަވަމުންނެވެ.
އެގޮތުން މުޢިއްޒު ވަނީ ފުރަތަމަ ބުރަށްވުރެ ގިނަ މީހުން ނުކުމެ ވޯޓުލުމަށް އިލްތިމާސް ކުރައްވައިފައެވެ.
“އަޅުގަނޑު ދަންނަވައިލަން ބޭނުންވަނީ ހުރިހާ ލޮބުވެތި ރައްޔިތުންނަށް ލިބިފައިވާ ގާނޫނީ ހައްގުގެ ބޭނުން ކުރައްވައި ވޯޓު ލައި ދެއްވާށޭ.“
އަދި ވީހާވެސް އަވަހަށް ވޯޓު ލުމަށް އިލްތިމާސް ކުރެއްވިއެވެ.
ރިޔާސީ އިންތިޚާބުގެ ދެވަނަ ބުރުގެ ވޯޓުލުން މިއަދު 08:00 ގައި ފަށާފައިވާއިރު ވޯޓުލުން ކުރިއަށްދާނީ ހަވީރު 17:00 އަށެވެ.
