އަންނަ ހޮނިހިރު ދުވަހު ބާއްވާ ރިޔާސީ އިންތިޚާބުގެ ދެވަނަ ބުރުގައި ވޯޓު ދިނުމުގެ ހައްގު ލިބިފައިވާ މީހުންގެ ދާއިމީ ލިސްޓު އިލެކްޝަންސް ކޮމިޝަނުން މިއަދު އާންމުކޮށްފިއެވެ.
ލިސްޓުގައިވާ ގޮތުން ދެވަނަ ބުރުގައި ވޯޓުދިނުމުގެ ހައްގު ލިބިގެންވާ މީހުންގެ އަދަދަކީ 282,803 އެވެ. އޭގެތެރޭގައި ހިމެނެނީ 144,410 ފިރިހެނުންނާއި 138,394 އަންހެނުންނެވެ.
ފުރަތަމަ ބުރުގައި ވޯޓު ދިން މީހުންނަށްވުރެ އިތުރު 408 މީހުންނަށް ދެވަނަ ބުރުގައި ވޯޓުދިނުމުގެ ހައްގު ލިބިގެންވެއެވެ.
މި ލިސްޓަކީ ޝަކުވާއަށް ހުޅުވާލުމަށްފަހު ނެރުނު ދާއިމީ ލިސްޓުކަމަށްވާތީ ކޮންމެ މީހަކަށް ވެސް ވޯޓުލެވޭނީ މި ލިސްޓު ގައި އެ މީހެއްގެ ނަން އޮތް ވޯޓުލާ މަރުކަޒަކަށެވެ.
ފުރަތަމަ ބުރުގައި 282,395 މީހުންނަށް ވޯޓުލުމުގެ ހައްގު ލިބުނުއިރު ބައިލައްކައަށްވުރެ ގިނަ މީހުން ވޯޓު ލާފައެއް ނުވެއެވެ.
ދެވަނަ ބުރުގައި ވާދަކުރައްވާނީ ޕީއެންސީގެ ރިޔާސީ ކެންޑިޑޭޓް ޑރ.މުޙައްމަދު މުޢިއްޒުއާއި އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުޙައްމަދު ޞާލިޙެވެ.
