ފެމިލީ ކޯޓުގެ ގާޒީ ކަމަށް ގިނަ ބޭފުޅުންތަކެއް ކުރިމަތިލައްވާފައި ވަނިކޮށް އެ އިއުލާނު މިއަދު ބާާތިލު ކޮށްފިއެވެ.
ފެމިލީ ކޯޓުގެ ގާޒީކަމަށް ކުރިމަތިލުމަށް ޖުޑީޝަލް ސާރވިސް ކޮމިޝަން (ޖޭ ްއެސްސީ) އިން ހުޅުވައިލި ފުރުސަތުގައި 25 ބޭފުޅަކު ކުރިމަތިލެއްވިއެވެ.
އެކަމަކު ޖޭއެސްސީއިން މިއަދު ކުރި އިއުލާނުގައި ބުނީ ފެމިލީ ކޯޓަށް ގާޒީން ހޯދަން ކުރިން ކުރި އިއުލާން ބާތިލުކޮށްފައިވާ ކަމަށެވެ.
އަދި އެ އިއުލާނާ ގުޅިގެން ފެމިލީކޯޓުގެ ގާޒީކަމުގެ މަގާމަށް ކުރިމަތިލެއްވުމަށް ހުށަހަޅުއްވާފައިވާ އެޕްލިކޭޝަންތައް ވެސް ބާތިލުކުރެވިފައިވާ ކަމަށް ޖޭއެސްސީން ބުންޏެވެ.
ނަމަވެސް އެ އިއުލާނު ބާތިލު ކުރި ސަބަބެއް އަދި ސާފުވާ ގޮތެއް ނުވެއެވެ.
