މިދިޔަ ހުކުރު ދުވަހު އިޓަލީއަށް ބޯކޮށް ވާރޭވެހި ފެންބޮޑުވުމުގެ ސަބަބުން ބައިނަލްއަގުވާމީ އެހީތެރިކަން ދީފައިވާއިރު، މި ކާރިސާ ސިފަކޮށްފައިވަނީ ފާއިތުވި ގަރުނުގައި އިޓަލީއިން ދުށް އެންމެ ބޮޑު ފެންބޮޑުވުމުގެ ކާރިސާގެ ގޮތުގައެވެ.
މި ކާރިސާއާއި ގުޅިގެން 14 މީހުން މަރުވެފައިވާއިރު، ފެންވަދެފައިވާ ގެތަކާއި އިވެކިއުއޭޝަން ސެންޓަރުތަކުގައި އެތައް ހާސް ބަޔަކު ތާށިވެފައިވެއެވެ.
ފެންބޮޑުވެފައިވާ ސަރަހައްދުގައި ހުރި ގެތަކުން މިހާތަނަށް 15،000 އަށްވުރެ ގިނަ މީހުން ރައްކާތެރި ސަރަހައްދުތަކަށް ވަނީ ބަދަލުކޮށްފައެވެ.