އާންމު ރައްޔިތުންގެ މައްޗަށް އަސްކަރީ ޤާނޫނުގެ ދަށުން ހުކުމް އިއްވުމަށް ޕާކިސްތާނުން ތައްޔާރުވަމުންދާތީ އިންސާނީ ހައްޤުތަކަށް ގޮވައިލާ ޖަމިއްޔާތަކުން ކަންބޮޑުވުން ފާޅުކޮށްފިއެވެ.
އެޖަމިއްޔާތަކުން ބުނެފައިވާގޮތުގައި ގާނޫނުގައި ބަޔާންވެގެންވާ އިޖުރާއަތު ފުރިހަމަވެގެން ދިޔުމުގެ ހައްޤުން އެމީހުން މަހުރޫމްވެގެން ދާނެއެވެ.
ޕާކިސްތާނުގައި ހިނގައިދިޔަ ސިޔާސީ ހަމަނުޖެހުމުގައި 10 މީހުން މަރުވެފައިވާއިރު، އެތައް ބަޔަކުވަނީ ހައްޔަރުކޮށްފައެވެ.
ހައްޔަރުކުރެވުނު ފަރާތްތަކުގެ ތެރޭގައި ޕާކިސްތާން ތެހެރީކޭ އިންސާފް (ޕީޓީއައި) ޕާޓީގެ ވެރިންވެސް ހިމެނޭކަން ފާހަގަކޮށްލެވެއެވެ.
ޤާނޫނުގެ ހުރުމަތް ކަނޑާލައި، ބާރުގެ ބޭނުން ނުހައްޤު ގޮތުގައި ކުރަމުންދާކަމަށް ބުނެ ޕާކިސްތާނުގެ ކުރީގެ ބޮޑުވަޒީރު އިމްރާން ޚާންވަނީ އެގައުމުގެ އަސްކަރިއްޔާގެ މައްޗަށް ތުހުމަތުތަކެއް ކުރައްވައިފައެވެ.
ޕާކިސްތާނުގެ ވަރުގަދަ އަސްކަރިއްޔާ ދެކޮޅަށް އަޑުއުފުލައި އާންމު ރައްޔިތުން މަގުތައްމައްޗަށް ނުކުމެފައި މިވަނީ ޕާކިސްތާނުގެ ތާރީޚުގައި ފުރަތަމަ ފަހަރަށެވެ. އަސްކަރިއްޔާއިން ބާރުގެ ބޭނުންކުރަމުންދަނީ އިމްރާން ޚާން އަނެއްކާވެސް ބޮޑުވަޒީރުގެ މަގާމަށް އައްޔަންވެ ވަޑައިގެންފާނެތީކަމަށް ބެލެވެއެވެ.
One Response
ޕާކިސްތާނު މިލިޓަރީ ތިއީ ވަރަށް ގޮތްކުޑަ ބަޔެއްކަން ދައްކައިފިއެވެ. ވަރަށް ދެރަވަރު