ރަޝިއާއިން ޔޫކްރެއިނަށް އަންގާރަދުވަހު ހެނދުނު ދިން ވައިގެ ހަމަލާތަކެއްގައި އެއްފަހަރާ ފޮނުވައިލި މިސައިލުތަކެއްގެ ސަބަބުން ޔޫކްރެއިނުން ބޭނުންކުރަމުން އައި އެމެރިކާގެ ޕޭޓްރިއަޓް މިސައިލް ދިފާޢުކުރާ ނިޒާމަށް ގެއްލުންވެފައިވާކަމަށް އެމެރިކާ ސަރުކާރުން ހާމަކޮށްފިއެވެ.
”ފޭސްޑް އެރޭ ޓްރެކިންގ ރޭޑާރ ފޮރ އިންޓަރސެޕްޓް އޮން ޓާރގެޓް“ (ޕޭޓްރިއަޓް) އަކީ ދުނިޔޭގެ އެންމެ ކުރިއަރާފައިވާ އެއް ވައިގެ ދިފާޢީ ނިޒާމެވެ. ޕޭޓްރިއަޓް ފަރުމާކޮށްފައިވަނީ ތަފާތު މަތިންދާ ބޯޓުތަކާއި، ކްރޫޒް މިސައިލުގެ އިތުރުން ބަލިސްޓިކް މިސައިލުތަކުން ދިފާޢުކުރާ ގޮތަށެވެ.
އެހެންނަމަވެސް، ރަޝިއާއިން ފޮނުވައިލި ކިންޒަލް މިސައިލަކުން ވަނީ އެމެރިކާގެ ޕޭޓްރިއަޓް ސިސްޓަމް ހަލާކުކޮށްލައިފައެވެ.
އެމެރިކާގެ އުފެއްދުން ހަލާކުކޮށްލާފައިވަނީ ހުޅަނގުން ޔޫކްރެއިނަށް ދީފައިވާ ޕޭޓްރިއަޓް މިސައިލް ދިފާޢުކުރާ ނިޒާމު ނައްތާލާނެކަމަށް ރަޝިއާގެ ރައީސް، ވްލާޑިމިރް ޕުޓިން ވިދާޅުވެ އިންޒާރުދިނުމަށްފަހުގައެވެ.
One Response
ވަރައް ރަނގަޅު