ކޯވިޑް-19 އަށް ރާއްޖެއިން އިތުރު 106 މީހަކު އިއްޔެ ފައްސިވެއްޖެއެވެ. އިއްޔެ ފެނުނު ކޭސްތަކުގެ ތެރެއިން 99 ކޭސް ފެނިފައިވަނީ މާލެ ސަރަހައްދުންނެވެ. އަނެއް 7 ކޭސް ފެނިފައިވަނީ އަތޮޅު ތެރެއިންނެވެ.
މިއަދު ފައްސިވީ މީހުންގެ ތެރޭގައި 79 ދިވެހިން ހިމެނޭއިރު، އޭގެ އިތުރުން ހިމެނެނީ ބަނގްޅަދޭޝްގެ 21 މީހަކާއި، އިންޑީޔާގެ 5 މީހަކާއި އަދި ނޭޕާލްގެ އެކަކެވެ. މިހާތަނަށް އަތޮޅުތެރޭގެ 16 ރަށަކުން ވަނީ ކޯވިޑް-19ގެ އެކްޓިވް ކޭސްތައް ފެނިފައެވެ. އޭގެ ތެރޭގައި ހިމެނެނީ:
- ހއ.ފިއްލަދޫ
- ހދ.ކުރިނބި
- ބ.ކުޑަރިކިލު
- ކ.ތުލުސްދޫ
- ފ.ނިލަންދޫ
- ސ.ހިތަދޫ
- ސ.ފޭދޫ
- ހއ.އިހަވަންދޫ
- ނ.މިލަދޫ
- ރ.ހުޅުދުއްފާރު
- ކ.ހިންމަފުށި
- ފުވައްމުލައް ސިޓީ
- ހދ.ނާވައިދޫ
- ބ.ކަމަދޫ
- ޅ.ނައިފަރު
- އދ.މާމިނގިލި
މިރަށްތަކެވެ. މިއަދު ފައްސިވީ މީހުންނާއިއެކު މިބައްޔަށް ރާއްޖެއިން ފައްސިވީ މީހުންގެ ޖުމްލަ އަދަދު މިވަނީ 5785 އަށް އަރައިފައެވެ. އަދި މިވަގުތު އެކްޓިވް ކޭސްތަކުގެ ގޮތުގައި 2414 ކޭހެއް ފާހަގަ ކުރެވޭއިރު، 146 މީހަކަށް ހޮސްޕިޓަލްގައި ފަރުވާ ދެމުން އެބަދެއެވެ.
