ކައުންސިލްތައް އޮޑިޓްކުރުމަށް އަމިއްލަ ގޮތުން ހިންގާ އޮޑިޓް ފާމްތަކާ ހަވާލުކޮށްފިއެވެ.
ކައުންސިލްތައް އޮޑިޓް ކުރުމަށް އޮޑިޓް ފާމް ތަކާ ހަވާލުކުރުމަށް އެއްބަސްވުމެއްގައި ސޮއިކުރުމަށް އޮޑިޓް އޮފީހުގައި މިއަދު ވަނީ ހާއްސަ ރަސްމިއްޔާތެއް ބާއްވާފައެވެ.
މި ރަސްމިއްޔާތުގައި ދިވެހި އަށް އޮޑިޓް ފާމަކާ އެކު ވަނީ އެއްބަސްވުމެއްގައި ސޮއިކޮށްފައެވެ.
މިކަމަށްޓަކައި ބޭއްވި ރަސްމިއްޔާތު ޝަރަފްވެރިކޮށްދެއްވައި ވާހަކަފުޅު ދައްކަވަމުން އޮޑިޓަރ ޖެނެރަލް ހުސައިން ނިޔާޒީ ވިދާޅުވީ ކައުންސިލްތައް އޮޑިޓް ކުރުމަށްޓަކައި ދިވެހި އޮޑިޓް ފާމްތަކާ ހަވާލު ކުރުމުގެ އެންމެބޮޑު މަގުސަދަކީ މިކަމަކީ ހަމައެކަނި އޮޑިޓް އޮފީހަށް އެކަނި ކުރެވޭނެ މަސައްކަތަކަށް ނުވުމުން ކަމަށެވެ.
ނަމަވެސް އޮޑިޓް ފާމްތަކުން ކުރާ އޮޑިޓްތައް ނިމުމުން އޮޑިޓް އޮފީހުން އެރިޕޯޓްތައް ބަލާނެކަމަށް ވެސް ނިޔާޒީ ވިދާޅުވިއެވެ.
ނިޔާޒީ ވިދާޅުވީ ކައުންސިލްތަކުންވެސް ފައިސާ ހރަދުކުރުމުގައި މާލިއްޔަތު ގަވާއިދުތަކާއި އެއްގޮތަށް ކަންކަން ކުރަންޖެހޭ ކަމަށެވެ.
ލޯކަލް ކައުންސިލްތައް އޮޑިޓްކުރުމަށް ދިވެހި އޮޑިޓް ފާމަކާ ހަވާލުކޮށްފައިވާއިރު މިއީ ކައުންސިލްތައް އޮޑިޓް ކުރުމުގެ މަސައްކަތް އޮޑިޓްފާމްތަކާ ހަވާލުކޮށްގެން ކުރިއަށް ގެންދެވޭ ފުރަތަމަ ފަހަރެވެ.
ރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމަށްޓަކައި، މިސަރުކާރުން ގާނޫނަށް ގެނައި ބަދަލުތަކާއިއެކު، ކައުންސިލްތަކަށް މާލީ ބޮޑެތި ބާރުތަކެއް ވަނީ ދޫކޮށްލާފައެވެ. ދައުލަތުގެ ބަޖެޓުން ގްރާންޓުގެ ގޮތުގައި 1.5 ބިލިޔަން ރުފިޔާ ހަމަޖައްސާފައިވާއިރު، ކައުންސިލްތަކުން އަމިއްލައަށްވެސް މާލީ ތަނަވަސްކަން ހޯދޭނެ ބާރު ކައުންސިލް ތަކަށް ގާނޫނުން ވަނީ ދީފައެވެ.
