ރާއްޖޭގައި ނަސްރުގެ ދުވަހެއް ފާހަގަކުރަމުން އަންނަނީ، ހިތްވަރުގަދަ ދިވެހި ސިފައިން ވެފައިވާ މަތިވެރި ގުރުބާނީއެއްގެ ހަނދާންތައް އައު ކުރުމަށް ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ރައީސް މިފަދައިން ވިދާޅުވީ މި އަހަރުގެ ނަސްރުގެ ދުވަހުގެ މުނާސަބަތުގައި މިއަދު ޤައުމާ މުހާތަބް ކުރައްވައި ދެއްވި ހިތޯބެއްގައެވެ.
“މިއަދު ރާއްޖޭގެ ކޯއްޓޭތަކުގައި، ފެއްސާއި ރަތާއި ހުދުގެ ގައުމީ ދިދަ ވިހުރެމުން އެދަނީ، އެ ދުވަހު ދިވެހި ސިފައިން ވެފައިވާ މަތިވެރި ގުރުބާނީގެ ސަބަބުން. އެ ބޭފުޅުން އެ ދުވަހު މި ގައުމަށް ދެއްކެވި ގައުމީ ނަމޫނާއަކީ، މިއަދާއި މާދަމާގެ ދަރިންވެސް، ނަމޫނާއެއްގެ ގޮތުގައި ދެކެންޖެހޭނެ، އަދި އެ ބޭފުޅުންގެ ޒިކުރާ އަބަދުވެސް އާކުރަންޖެހޭނެ މަތިވެރި ނަމޫނާއެއް.“ ރައީސް ސޯލިހު ވިދާޅުވި އެވެ.
މީގެ އިތުރުން ރައީސް ވިދާޅުވީ ރައީސް ވިދާޅުވި ގޮތުގައި އެ ދުވަހު ބައިނަލްއަގްވާމީ ދުނިޔެ ރާއްޖެއާއެކު ސާބިތުވެ އޮތް އޮތުމަކީ، ދިވެހިންނަށް ލިބުނު ވަރުގަދަ ހިތްވަރެކެވެ. ހާއްސަކޮށް، އަވަށްޓެރި އިންޑިއާއިން އެދުވަހު ފޯރުކޮށްދިން އަސްކަރީ އަވަސް އެހީގެ މަތީން ހަނދާން ކުރަން ޖެހޭ ކަމަށް ވިދާޅުވިއެވެ.
”އެ ގައުމުގެ އެކުވެރި ރައްޔިތުންނަށާއި ސަރުކާރަށް ހައްގު ޝުކުރު އަދާކުރަން ޖެހޭ“ ރައީސް ވިދާޅުވިއެވެ.
One Response
ތި ސްޕީޗްތަށް ކާކުތޯ ލިޔެފަ އަތްޕުޅަށް އަރުވަނީ، މިހެން މިދެންނެވީ ސްޕީޗްތަށް ހަމަ އޯކޭ. ކުރައްވަނީ ޖައްސަވާ ސްޕީޗްގައި ވިދާޅުވާގޮތަށް ނުވާތީއެވެ. ވެދާނު އަޅުގަނޑު ބޯ ގަޅީކަމަށްވެސް.