އދ.ގެ އާއްމު މަޖިލީހުގެ ރައީސް އަދި ރާއްޖޭގެ ފޮރިން މިނިސްޓަރު އަބްދުއްލާ ޝާހިދު ގަހެއް އިންދަވައިފިއެވެ.
ފޮރިން މިނިސްޓްރީން ބުނީ ޝާހިދު ގަހެއް އިންދެވީ އދ.ގެ މައި މަރުކަޒު ހުންނަ ނިއުޔޯކްގެ ކަނިންހަމް ޕާކްގައި ބޭއްވި ގަސް އިންދުމުގެ ޕްރޮގްރާމްގައިކަމަށެވެ.
އަދި މިއީ ޔޫއެން ޑޭ ފާހަގަކުރުމަށް ބޭއްވި ހަރަކާތްތެއްކަމަށް ވެސް ފޮރިން މިނިސްޓްރީން ބުނެއެވެ.
މިނިސްޓްރީން ބުނީ މިނިސްޓަރު ޝާހިދު ގަސް އިންދެވީ މޫސުމީ ބަދަލުތަކާ ބެހޭ ބައިނަލްއަގްވާމީ ބައްދަލުވުން”ކޮޕް 26″ގައި ބައިވެރިވެވަޑައިގަތުމަށް ފުރުރުއްވުމުގެ ކުރިންކަމަށެވެ.
ކޮޕް26 ބައްދަލުވުން އޮންނަނީ މިއަދުން ފެށިގެން އަންނަ މަހުގެ 12ގެ ނިޔަލަށް އިނގިރޭސިވިލާތުގެ ގްލެސްގޯގައެވެ.
އދ.ގެ އާއްމު މަޖިލީހުގެ ރައީސް ޝާހިދު ވަނީ މޫސުމީ ބަދަލުތަކާ ގުޅޭ މަޝްވަރާތަކަށް ހާއްސަ އިސްކަމެއް ދެއްވާނެކަމަށް ވިދާޅުވެފައެވެ.
One Response
މި ދެން ޚަބަރެއްތޯ؟ މިޑިއާ ކުދިންކޮޅާހެދި ބޯ ހަލާކު.