ރާއްޖެ ވަކިވަކި 19 ދައުލަތަށް ބައިކުރަން ބަޔަކު ވާހަކަ ދައްކަވާތީ ހައިރާންވާ ކަމަށާ، އެއީ ވަރަށް ނުރައްކާތެރިކަމެއްކަމަށް އައްޑޫ ސިޓީ މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.
ޝަރީފް މިއަދު ކުރެއްވި ޓްވީޓެއްގައި ވިދާޅުވީ ރާއްޖެ ބައިބައިކޮށް ފެޑަރަލް ނިޒާމަކަށް ރާއްޖޭގެ ވެރިކަމުގެ ނިޒާމް ބަދަލުކުރާ ވާހަކައަކީ ވަރަށް ނުރައްކާތެރި ވާހަކައެއް ކަމަށެވެ.
“ މި ދިވެހިރާއްޖެ ވަކި ވަކި 19 ދައުލަތަށް ބައި ކުރަން ޖެހޭ ކަމަށް ބައެއް ބޭފުޅުން ވާހަކަ ދައްކަވާތީ ވަރަށް ހައިރާންވޭ. މީ ވަރަށް ނުރައްކާތެރިކަމެއް. 19 ވަކި ވަކި ދައުލަތް އުފައްދަން ޖެހޭހާ މީހުން ގިނަ ތަފާތު ނަސްލުތަކާ ދީންތައް އޮތް ގައުމެއް ނޫން ރާއްޖެ އަކީ“
Mi dhivehi Raajje vaki vaki 19 dhualathah bai kuran jehey kamah baeh beyfulhun vaahaka dhakkavaathee varah hairaan vey. Mee varah nurakkaatheri kameh.19 vaki vaki dhaulaiy ufahdhan jehey haa meehun gina thafaathu nasluthakaa dheen thah oi gaumeh noon Raajje akee.
— Ibrahim Shareef (@AdduShareef) September 11, 2021
ޝަރީފް ވިދާޅުވިއެވެ.ޝަރީފް ވަނީ 19 ވަކިވަކި މިނިވަން ދައުލަތްތަކެއްގެ މައްޗަށް އެކުލެވޭ އީޔޫ ކަހަލަ ޔޫނިއަނެއްގެ ވާހަކަ މި ދައްކަނީ
ކޮން ބޭނުމެއްގައިތޯ ވިދާޅުވެ ސުވާލު އުފައްދާފައެވެ. އަދި ރާއްޖެއަކީ އެހާ މީހުން ގިނަ، ބިޔަ ބޮޑު އަދި ތަފާތު ނަސްލުތަކާއި ދީންތަކާއި، ތަފާތު ބަސް ބަހުން ވާހަކަ ދައްކާ މީހުން ތިބި ތަނެއްތޯ ވިދާޅުވެ ޝަރީފް ވަނީ ސުވާލު އުފައްދާފައެވެ.
Barulamaanee federal dhauiy mee 19 vaki vaki minivan dhaulaiy thakegge mahchah ekulevey EU kahala union ehgge vaahaka mi dhakanee kon beynumegga baa? Ehaa meehun gina, biya bodu adhi thafaathu naslu thakaa dheen thah thafaathu bas bahun vaahaka dhakkaa meehun thibi thaneh baa?
— Ibrahim Shareef (@AdduShareef) September 11, 2021
ޝަރީފް މިހެން ވިދާޅުވެފައި މިވަނީ، ރާއްޖޭގެ ވެރިކަމުގެ ނިޒާމް ބަރުލަމާނީ ނިޒާމަކަށް ބަދަލުކުރުމަށް ރައްޔިތުންގެ މަޖިލީހުގެ ރައީސް. ރައީސް މުހައްމަދު ނަޝީދު ގިނަ މަސައްކަތްތަކެއް ކުރައްވަމުން ގެންދަވާ ދަނޑިވަޅެއްގައެވެ.
