ބ. ދަރަވަންދޫ ފުޓްބޯޅަ ދަނޑުގެ މަސައްކަތް ފަށައި ބާރު ސްޕީޑްގައި ކްރިއަށްދާ ކަމަށް ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން ބުނެފިއެވެ.
އާރްޑީސީން ބުނީ ދަރަވަންދޫ ފްޓްބޯޅަދަނޑުގެ މަސައްކަތް ވީހާވެސް އަވަހަކަށް ނިންމުމަށް ތަނުގެ މަސައްކަތް ވަރަށް ބާރަށް ކުރިއަށް ގެންދާކަމަށެވެ.
އެގޮތުން ކުރިއަށްދާ މަސައްކަތުގެ ތެރެއިން މިހާރު ކުރަމުން އަންނަނީ ފެން ހިންދާ ނިޒާމް ގާއިމު ކުރުމާއި، ބިންގަނޑު އެއްވަރު ކުރުމުގެ މަސައްކަތް ކަމަށް ވެސް އޭރުޑީސީން ބުނެއެވެ.
ޖުމްލަ 2.2 ރުފިޔާ ހަރަދުކޮށްގެން ކުރިޔަށް ގެންދާ މި މަޝްރޫއުގެ މަސައްކަތް އާރްޑީސީއާ ހަވާލުކޮށްފައި ވަނީ މި އަހަރުގެ މާޗު މަހުގެ 28 ވަނަ ދުވަހު އެވެ.
އާރުޑީސީން ބުނީ މި ފުޓުބޯޅަ ދަނޑުގެ ސަބްބޭސް މަސައްކަތުގެ 24 އިންސައްތަ މަސައްކަތް ނިމިފައިވާކަމަށެވެ.
މީގެ އިތުރުން ފެންހިންދާ ނިޒާމް ގާއިމު ކުރުމުގެ 80 އިންސައްތަ މަސައްކަތް މިހާރު ނިމިފައވާއިރު، ވެލިފުރޮޅާ ބިންގަނޑު ހަރު ކުރުމުގެ މަސައްކަތުގެ 90 އިންސައްތަ މަސައްކަތް ނިންމާލެވިފައި ކަމަށް ވެސް އާރްޑީސީން ބުނެއެވެ.
ބ.ދަރަވަންދޫ ފުޓުބޯޅަ ދަނޑުގެ ސަބްބޭސް މަސައްކަތުގެ ތެރެއިން ދަނޑުގެ ފެންހިންދާ ނިޒާމް ގާއިމްކުރުމުގެ%80 މަސައްކަތް މިހާރު ވަނީ ނިމިފައި، އަދި ވެލިފުރޮޅުމުގެ މަސައްކަތުގެ %90 ވަނީ ނިމިފައި. މުޅި ޕްރޮޖެކްޓުގެ%24 މަސައްކަތް މިހާރު ވަނީ ނިމިފައި.
#ޓީމްއާރުޑީސީ pic.twitter.com/ePiaW5eQhO
— Road Development Corporation Ltd (@rdcmaldives) August 12, 2021
ޔޫތު މިނިސްޓްރީން މިދިޔަ މާޗު މަހުގައި ވަނީ ދަރަވަންދޫ އާއި އެ އަތޮޅުގެ އިތުރު ދެ ރަށެއްގެ ފުޓްބޯޅަ ދަނޑުގެ ބިން އެއްވަރު ކުރުމުގެ މަޝްރޫއުތަކެއް އާރްޑީސީއާ ހަވާލުކޮށްފައެވެ.