ހުޅުމާލޭގެ ދެވަނަ ފިޔަވަހީގައި އިމާރާތްކޮށްފައިވާ ހިޔާ ފްލެޓްތަކުގެ ކުލި 6،000 ރުފިޔާއަށް ވުރެ ކުޑަކޮށް ދޭން މާލެ ސިޓީ ކައުންސިލުން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ އަރިހުން އެދިއްޖެއެވެ.
މާލޭގެ މޭޔަރު ޑރ. މުހައްމަދު މުއިއްޒު ވަނީ އިއްޔެ ރައީސް ސޯލިހާއި ބައްދަލުކުރައްވާފަ އެވެ.
މި ބައްދަލުކުރެއްވުމަށްފަހު ރޭ ސިޓީ ކައުންސިލުން ބޭއްވި ނޫސްވެރިންގެ ބައްދަލްވުމުގައި މާލޭގެ މޭޔަރު މުއިއްޒު ވިދާޅުވީ ރައީސް އާއި އެކީ ބޭއްވި ބައްދަލުވުމުގައި ހިޔާ ފްލެޓްތަކުގެ އަގު ކުޑަކޮށް ދެއްވުމަށްއެދިފައިވާނެކަމަށެވެ.
ހިޔާ ފްލެޓްތަކަށް ވަންނަން ދެ ލައްކައެއްހާ ރުފިޔާ ހަރަދުކުރަން ޖެހޭ ކަމަށް ލަފާ ކުރައްވައި މުއިޒު ވިދާޅުވީ އެހެންކަމުން ކުއްޔަށް ބޮޑު އަދަދެއް ދައްކަން ފަސޭހަ ނުވާނެކަމަށެވެ. އަދި ފެލްޓް ނިންމަން ކުރަންޖެހޭ ހަރަދު ކުލިން އުނިކުރުން ފަދަ ލުޔެއް ދޭން ޖެހޭ ކަމަށް ވެސް މޭޔަރު ވިދާޅުވި އެވެ.
މުއިއްޒު ވިދާޅުވީ 5،500 ރުފިޔާއަށް ކުލި ކުޑަކުރި ނަމަވެސް އެޗްޑީސީއަށް ގެއްލުން ނުވާނެ ކަމަށެވެ
ސަރުކާރުން މިހާރު ހަމަޖައްސާފައިވާ ގޮތުން ހިޔާފްލެޓްތަކުގެ ކުއްޔަކީ 8500 ރުފިޔާއެވެ. އެއީ ފްލެޓްތަކުގެ އިންސްޓޯލްމަންޓްގެ ގޮތުގައި 7500ރ އާއި މެއިންޓަނެންސް ފީގެ ގޮތުގައި ކޮންމެ މަހަކު ނަގަން ހަމަޖައްސާފައިވާ 1000ރއެވެ.
One Response
ސަރުކާރުން ދީފަހުރި ހުރިހާ ފުލެޓު ކުލި 5500 ރުފިޔާ ހަދާދެން ޖެހޭނެ