ހުޅުމާލޭ މެޑިކަލް ފެސިލިޓީގައި ކޮވިޑް-19 އަށް ފަރުވާހޯދަމުން އަންނަ ބަލިމީހަކަށް އަނިޔާކުރި މައްސަލައެއް ފުލުހުން ބަލަން ފަށައިފިއެވެ.
މެޑިކަލް ފެސިލިޓީގައި އޮތް މީހަކަށް އަނިޔާކުރާ މަންޒަރު ފެންނަ ވީޑިއޯއެއް ވަނީ ސޯޝަލް މީޑިއާގައި އާންމު ވެފައެވެ.
ވީޑިއޯއަކުން ފެންނަނީ ބަލި މީހާކައިރީ ހުރި ޒުވާން ފިރިހެނަކު ބަލި މީހާއާ ދިމާއަށް ނުރުހިފަ ބަސްތަކެއް ބުނުމަށްފަހު ބަލިމީހާގެ މޫނުމަތީގައި ޖަހިތަނެވެ. އަދި ޖެހުމާ އެކު ބަލި މީހާ ބާރަށް ރޯ އަޑުވެސް ވީޑިއޯ އިން އިވެ އެވެ.
މި މައްސަލައާ ގުޅިގެން ރައީސް އޮފީހުގެ ތަރުޖަމާން މަބްރޫކް މުހައްމަދު މިރޭ ކުރެއްވި ޓްވީޓެއްގައި އޭނާ ވިދާޅުވީ ހުޅުމާލެ މެޑިކަލް ފެސިލިޓީގައި އޮތް ބަލި މީހަކަށް އަނިޔާކޮށްފައިވަނީ އާއިލާގެ ފަރާތުން ހަމަޖައްސާފައި ހުރި މީހެއް ކަމަށެވެ. އެއީ ބިދޭސީ އެއް ކަމަށްވެސް އޭނާ ވިދާޅުވިއެވެ.
މަބުރޫކް ވިދާޅުވީ ހާދިސާގެ މައުލޫމާތު އާއިލާއަށް މިހާރު ހިއްސާކޮށްފައިވާ ކަމަށެވެ. އަދި އަނިޔާ ކުރި މީހާގެ މައްސަލަ ބަލަމުންދާ ކަމަށެވެ. މިވަގުތު ބަލި މީހާ ކަންކަން ބަލަހައްޓަނީ ހުޅުމާލެ މެޑިކަލް ފެސިލިޓީގެ ސިއްހީ އެހީތެރިން ކަމަށްވެސް މަބުރޫކް ވިދާޅުވިއެވެ.
Police is attending to a reported case of abuse against a patient by the family appointed caretaker at HMF.
The bystander has been removed and the family has been informed.
HMF medical is attending to the patient.
— Miuvaan Mohamed (@MvSpokesperson) May 26, 2021
ހުޅުމާލޭ މެޑިކަލް ފެސިލިޓީގެ މެޑިކަލް ޓީމުން އެ ބަލިމީހާގެ ކަންކަން މިހާރު ބަލަމުންދާކަމަށްވެސް މަބްރޫކް ވިދާޅުވިއެވެ.
މި މައްސަލަ އާ ގުޅިގެން ރޭ ފުލުހުން ބުނީ ހުޅުމާލޭ މެޑިކަން ފެސިލިޓީގައި އޮތް ދިވެހި ބަލިމީހަކަށް އެމީހާގެ ޢާއިލާގެ ފަރާތުން ހަމަޖައްސާފައި ހުރި އެހީތެރިޔަކު އަނިޔާކުރި މައްސަލައެއް އެ މެޑިކަލް ފެސިލިޓީން ފުލުހުންނަށް ހުށަހަޅާފައިވާކަމަށެވެ.
މިމައްސަލަ ހުށަހެޅުމާއެކު، މައްސަލައިގެ ތުހުމަތުގައި އުމުރުން 31 އަހަރުގެ ބަންގަލަދޭޝް ފިރިހެނެއް ހައްޔަރުކޮށްފައިވާކަމަށް ފުލުހުން ބުނެއެވެ.
ހުޅުމާލޭ މެޑިކަލް ފެސިލިޓީއަކީ އައިޖީއެމްއެޗްގެ ބެލުމުގެ ދަށުން ހިންގަމުންދާ ތަނެކެވެ. މައްސަލައާ ގުޅިގެން އެ ހޮސްޕިޓަލުން ނެރެފައިވާ ބަޔާނެއްގައި ބުނެފައިވަނީ ފެސިލިޓީގައި ބިދޭސީ މީހާ ހިންގި އަމަލަކީ އެއްގޮތަކަށްވެސް ބަލައިގަނެވޭނެ އަމަލެއް ނޫން ކަމަށެވެ.
ނޫސްބަޔާން
ހުޅުމާލެ މެޑިކަލް ފެސިލިޓީ ގައި އެނދުމަތިކޮށްފައި އޮތް ބަލި މީހެއްގެ ގައިގައި މީހަކު ޖަހާ މަންޒަރު ފެންނަ ވީޑިއޯ އާއި ބެހޭ pic.twitter.com/N6dNGUtEDn
— IGMH (@igmhmv) May 26, 2021
