އައްޑޫން ފުރައިގެން މާލެ ދަތުރު ކުރަމުންދިޔަ ބޯޓަކުން މީހަކު ގެއްލިގެން ހޯދަނީ
އައްޑޫ ސިޓީން ފުރައިގެން މާލެ ދަތުރު ކުރަމުންދިޔަ ބޯޓަކުން މީހަކު ގެއްލިގެން ހޯދަން ފަށައިފިއެވެ. ގެއްލިގެން ހޯދަމުން އަންނަނީ ”ސީމެކްސް ބޯޓު“ގެ ފަޅުވެރިއެއްގެ ގޮތުގައި މަސައްކަތްކުރަމުން އަންނަ ނޭޕާލް ރައްޔިތެއް ކަމަށްވާ ރާޖް ކުމާރް އެވެ. ފުލުހުން ބުނީ އެ ބޯޓު މިހާރު އޮތީ ފުވައްމުލައް ސިޓީ ބަނދަރުގައި ކަމަށާއި އޭނާ ބޯޓުގައި ނެތްކަން އެނގުނީ އައްޑޫ އާއި ފުވައްމުލަކާއި ދެމެދު ކަނޑުމަތިން ފުވައްމުލަކާއި އަށް މޭލު ކައިރިވެފައި ވަނިކޮށް ކަމަށެވެ. އައްޑޫން ފުރައިގެން މާލެއަށް ދަތުރު […]
ގުރައިދޫގައި 4 މަހުގެ ކުއްޖަކު ނިޔާވުން: ޝައްކުކުރެވޭ ކަންތައްތަކެއް ހުރުމުން އޮޓޮޕްސީ ހަދަނީ
ރޭ މެންދަމު ކ.ގުރައިދޫގައި ނިޔާވި 4 މަހުގެ ކުއްޖެއްގެ މަރުގައި ޝައްކުކުރެވޭ ކަންތައްތަކެއް ހުރުމުން އޮޓޮޕްސީ ހަދަން ނިންމައިފިއެވެ. ފުލުހުންގެ ޚިދުމަތުން މިރޭ ބުނީ މި މައްސަލަ ފުލުހުންނަށް މިއަދު ރިޕޯޓުކޮށްފައިވާތީ ތަހުގީގު ކުރަމުންދާ ކަމަށެވެ. މި ކުއްޖާގެ ހަށިގަނޑުގެ އޮޓޮޕްސީ ހެދުމަށް ރާއްޖެއިން ބޭރަށް ފޮނުވުމަށް ހަމަޖެހިފައިވާ ކަމަށް ވެސް ފުލުހުން ބުންޏެވެ. އެ ކުއްޖާ ޚަބަރު ހުސްވެފައި އޮތުމުން ސިއްހީ މަރުކަޒަށް ގެންދިޔައީ ރޭ މެންދަމު 00:30 ހާއިރުއެވެ. ސިއްހީ މަރުކަޒަށް ގެންދިޔައިރު ވެސް […]
ހިޔާ ފްލެޓްގެ ޓަވަރަކުން 16 އަހަރުގެ ކުއްޖަކު ވެއްޓި މަރުވެއްޖެ
ހުޅުމާލޭގެ ދެވަނަ ފިޔަވަހީގައި ތަރައްގީކޮށްފައިވާ ހިޔާ ފްލެޓްގެ ޓަވަރަކުން 16 އަހަރުގެ ކުއްޖަކު ވެއްޓި، މަރުވެއްޖެ އެވެ. ފުލުހުން މިރޭ ބުނީ 1:30 ހާއިރު ހިޔާ ފްލެޓްގެ އެޗް5 ޓަވަރުން 16 އަހަރުގެ ދިވެހި ފިރިހެން ކުއްޖެއް ވެއްޓިފައިވާ ކަމަށެވެ. އެގޮތުން އެ ކުއްޖާ ވެއްޓުނީ ހިޔާ ފްލެޓްގެ 13 ވަނަ ފަންގިފިލާއިން ކަމަށް ފުލުހުން ބުނެފައި ވެއެވެ.އަދި އެ ކުއްޖާ ހުޅުމާލޭ ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް ފުލުހުން ހާމަަކޮށްފައި ވެއެވެ. ފުލުހުން ބުނީ […]
ފުވައްމުލަކުގައި މަސްތުވާތަކެތީގެ ވިޔަފާރިކޮށް މަނީ ލޯންޑަރކުރުމުގެ ތުހުމަތުގައި ބަޔަކު ހައްޔަރުކޮށްފި
ފުޅާ ދާއިރާއެއްގައި މަސްތުވާތަކެތީގެ ވިޔަފާރިކޮށް މަނީ ލޯންޑަރ ކުރި ކަމުގެ ތުހުމަތުގައި ފުވައްމުލައް ސިޓީއިން ބަޔަކު ހައްޔަރުކޮށްފިއެވެ. މަސްތުވާތަކެތީގެ ވިޔަފާރިއާ ދެކޮޅަށް ފުވައްމުލައް ސިޓީގައި 2024 ޖެނުއަރީ 14 ވަނަ ދުވަހުން ފެށިގެން ”އޮޕަރޭޝަން ވެށި ރައްކަލް“ ގެ ނަމުގައި ފުލުހުން ދަނީ ޚާއްސަ ޖޮއިންޓް އޮޕަރޭޝަނެއް ހިންގަމުންނެވެ. ފުލުހުން މިއަދު ނެރުނު ބަޔާނެއްގައި ބުނީ މި އޮޕަރޭޝަނުގެ ދަށުން މިހާތަނަށް 4,048 ހޮޓްސްޕޮޓް ބަލައި ފާސްކޮށް، 1,147 މީހުން ހުއްޓުވައި ސުވާލުކޮށް ބަލައި ފާސްކޮށް، 58 […]
ފޭސްބުކްގައި ހިންގާ ”ހޯމް އާޓް ފަރުނީޗަރ“ ޕޭޖުން މުދާ ގަތުމުގައި ސަމާލުވާން އެދިއްޖެ!
އޮންލައިންކޮށް ވިޔަފާރި ކުރާއިރު ރައްޔިތުން ސަމާލުވާން ދިވެހި ފުލުހުންގެ ޚިދުމަތުން އިލްތިމާސްކޮށްފިއެވެ. ފުލުހުން މިއަދު ބުނީ މިހާރަކަށް އައިސް އޮންލައިންކޮށް މުދާ ގަތުމަށް ފައިސާ ދެއްކުމުން މުދާ ޑެލިވަރީ ނުކޮށްދޭ މައްސަލަތައް އިތުރުވަމުންދާކަން ފާހަގަކުރެވިފައިވާ ކަމަށެވެ. އެގޮތުން ހާއްސަކޮށް ފޭސްބުކްގައި ހިންގާ ”ހޯމް އާޓް ފަރުނީޗަރ“ ޕޭޖާ ގުޅޭ ފްރޯޑް މައްސަލަތައް ގިނަ އަދަދަކަށް ހުށަހެޅެމުންދާކަން ފާހަގަކުރެވިފައިވާ ކަމަށް ފުލުހުން ބުނެފައި ވެއެވެ. އެހެންކަމުން، އޮންލައިންކޮށް މުދާ ގަންނައިރު މުދާ އަތަށް ލިބުމުން ނޫނީ ފައިސާ ނުދެއްކެމަށާއި […]
ދާންދޫ މަގުމަތީގައި މީހަކު މަރުވެފައި އޮއްވާ ފެނިއްޖެ
ގއ.ދާންދޫ މަގުމަތީގައި މީހަކު މަރުވެފައި އޮއްވާ ފެނިއްޖެއެވެ. މަރުވެފައި އޮއްވާ ފެނިފައިވަނީ އެ ރަށު ނަގަހެލަ، އަޙްމަދު ޢަބްދުﷲ (33އ) އެވެ. އޭނާ މަރުވެފައި އޮއްވާ ފެނިފައިވަނީ މިއަދުގެ ހެނދުނުގެ ވަގުތެއްގައެވެ. އޭނާ އޭނާގެ ހަށިގަނޑު މިހާރު ވަނީ އެ ރަށު ހެލްތު ސެންޓަރަށް ގެންގޮސްފައެވެ. އަޙްމަދު ޢަބްދުﷲ އަކީ ފެނަކައިގައި ވަޒީފާ އަދާކުރާ މީހެކެވެ. މިކަމާ ގުޅިގެން ފުލުހުން ބުނީ މިއަދު 8:10 ހާއިރު އަޙްމަދު ޢަބްދުﷲ ދާންދޫ ފެނަކަ ބްރާންޗު ހުޅަނގު ފަރާތު މަގުމައްޗަށް […]
ވައްކަމުގެ މައްސަލަތައް ރިޕޯޓުކުރި މިންވަރު އިތުރުވެއްޖެ
މިދިޔަ ނޮވެންބަރު މަހު އެންމެ ގިނައިން ރިޕޯޓުކޮށްފައިވަނީ ވައްކަމާއި، އެކްސިޑެންޓުގެ މައްސަލަ ކަމަށް ފުލުހުންގެ ޚިދުމަތުގެ ތަފާސްހިސާބުތަކުން ދައްކައިފިއެވެ. ފުލުހުން އާންމުކޮށްފައިވަާ ހިސާބުތަކުން ދައްކާ ގޮތުން، މިދިޔަ މަހު އެ އިދާރާއަށް 989 މައްސަލައެއް ރިޕޯޓުކޮށްފައިވެއެވެ. އޭގެތެރެއިން އެންމެ ގިނައީ ވައްކަމުގެ މައްސަލައެވެ. ވައްކަމުގެ 310 މައްސަލައެއް ރިޕޯޓުކޮށްފައިވާ ކަމަށް ފުލުހުންގެ ތަފާސްހިސާބުތަކުން ދައްކައެވެ. ދެވަނައަށް އެންމެ ގިނައިން ހުށަހަޅާފައިވަނީ އެކްސިޑެންޓުގެ މައްސަލައެވެ. އެގޮތުން އެކްސިޑެންޓުގެ 236 މައްސަލަ ހުށަހަޅާފައިވެއެވެ. އެކްސިޑެންޓުގެ މައްސަލަތައް ގިނަވެފައިވާއިރު، ބައެއް އެކްސިޑެންޓުތަކުގައި […]
ދެކުނުގެ ރަށެއްގައި ދަރިވަރުންނަށް ޖިންސީ ގޯނާކުރި ކަމަށް ތުހުމަތުކުރެވޭ ޓީޗަރުގެ މައްސަލަ ޕީޖީއަށް
ދެކުނުގެ ރަށެއްގައި ސްކޫލުގެ ދަރިވަރުންތަކެއް ގްރޫމްކޮށްގެން ޖިންސީ ގޯނާކުރި ކަމަށް ތުހުމަތުކުރެވޭ މައްސަލައެއްގައި ތުހުމަތުކުރެވޭ ޓީޗަރުގެ މައްސަލަ ޕްރޮސެކިއުޓާ ޖެނެރަލްގެ އޮފީހަށް ފޮނުވައިފިއެވެ. ދެކުނުގެ ރަށެއްގައި ފިރިހެން ޓީޗަރަކު ދަރިވަރުންގެ އުމުރާ ނުގުޅޭ ވާހަކަދައްކައި ގްރޫމްކުރި ކަމަށް ތުހުމަތުކުރެވޭ މައްސަލަ ފުލުހުންނަށް ރިޕޯޓުކޮށްފައިވަނީ މިދިޔަ އޮކްޓޫބަރު 17 ގައެވެ. ފުލުހުންގެ ޚިދުމަތުން މިއަދު މީޑިއާތަކާ ހިއްސާކުރި މެސެޖެއްގައި ބުނެފައިވަނީ މި މައްސަލައާ ގުޅިގެން 29 އަހަރުގެ ދިވެހި ފިރިހެނަކު އޮކްޓޫބަރު 27 ވަނަ ދުވަހު ކޯޓު އަމުރެއްގެ […]
މަންމައަށް އަނިޔާކޮށް، މާރާމާރީ ހިންގި މީހާގެ ބަންދުގެ މުއްދަތު އިތުރުކޮށްފި
މަންމައަށް އަނިޔާކޮށް، މާރާމާރީ ހިންގި މީހާގެ ބަންދުގެ މުއްދަތު އިތުރުކޮށްފިއެވެ. މި މައްސަލާގައި ހައްޔަރުކޮށްފައިވަނީ މ.ހުވަދުގަދަކޯޅިގެ އިބްރާހިމް ނިޒާމް (40 އ) އެވެ. މި މައްސަލާގައި އޭނާގެ ބަންދަށް މީގެކުރިން ޖެހީ ހަތް ދުވަހެވެ. އޭނާގެ ބަންދާމެދު ގޮތެއް ނިންމުމަށް އިއްޔެ ކްރިމިނަލް ކޯޓަށް ހާޒިރުކުރުމުން ވަނީ އިތުރު 8 ދުވަހަށް ބަންދުކުރަން އަމުރުކޮށްފައެވެ. ކޯޓުން ނެރުނު އަމުރުގައި ބުނެފައިވަނީ ފެމިލީ ކޯޓުން ނެރެފައިވާ ގެވެށި އަނިޔާއިން ރައްކާތެރިކުރުމުގެ އަމުރަކާ ޚިލާފަށް އޭނާގެ މަންމަ އަތުން ގަދަކަމުން […]
މާލޭ ގެއެއްގެ ތެރޭގައި މަރުވެފައި އޮތް މީހަކު ފެނިއްޖެ
މާލޭ ގެއެއްގެ ތެރެއިން މަރުވެފައި އޮތް މީހަކު ފެނިއްޖެއެވެ. ފުލުހުން ބުނީ މަރުވެފައި އޮތް މީހަކު ފެނިފައިވަނީ މއ.ހުދުއަކިރި ގެއިންނެވެ. މިއަދުގެ ވަގުތެއްގައި މަރުވެފައި އޮއްވާ ފެނިފައިވަނީ އެ ގޭގެ މީހެއް ކަމަށްވާ އުމުރުން 53 އަހަރުގެ ޢަބްދު ﷲ ޙަސަނެވެ. އޭނާގެ ހަށިގަނޑުގެ ބޭރުފުށުން އެއްވެސް އަނިޔާއެއް ފެންނަން ނެތް ކަމަށް ހޮސްޕިޓަލާ ހަވާލާދީ ފުލުހުން ވަނީ ބުނެފައެވެ. ފުލުހުން ބުނީ އޭނާ ހޮސްޕިޓަލަށް ގެންދިޔައިރު ވެސް ނިޔާވެފައިވާ ކަމަށާއި، މައްސަލަ ތަހުގީގުކުރަމުންދާ ކަމަށެވެ.
