ކެއްސުމަށް ދޭ ބޭހެއް ކަމަށްވާ ކޮފްސީ ސިރަޕް ވިއްކުން މަނާކޮށްފި
ކެއްސުމަށް ދޭ ބޭހެއް ކަމަށްވާ ކޮފްސީ ސިރަޕް ވިއްކުން، މޯލްޑިވްސް ފުޑް އެންޑް ޑްރަގް އޮތޯރިޓީން މަނާކޮށްފިއެވެ. އެ އޮތޯރިޓީން ނެރުނު ނޫސްބަޔާނެއްގައި ބުނެފައިވަނީ، ރާއްޖެއަށް އެތެރެކުރެވޭ ބޭސްތަކަކީ ރައްކާތެރި، ފެންވަރު ރަނގަޅު ބޭސްކަން ކަށަވަރު ކުރުމަށްޓަކައި ކުރަމުންދާ މަސައްކަތުގައި، މާކެޓިންގ ސަރވެއިލެންސްގައި ކޮފްސީ ސިރަޕް (cofsy syrup)ގެ ކޮލިޓީ މައްސަލަތަކެއް ފާހަގަކުރެވިފައި ވާކަމަށެވެ. އެހެންކަމާއެކު، މިއަދުން ފެށިގެން މި ބޭސް އެތެރެކުރުމާއި ވިއްކުން، އަދި މި ބޭސް ބޭނުންކުރުންވެސް އެ އޮތޯރިޓީން ވަނީ މަނާކޮށްފައެވެ. […]
ތޮއްޑޫ ޞިއްޙީ މަރުކަޒު ހޮސްޕިޓަލަކަށް ބަދަލުކުރަނީ
އަރިއަތޮޅު އުތުރުބުރީ ތޮއްޑޫގައި އިމާރާތްކުރަން ފަށާފައިވާ 30 އެނދުގެ ޞިއްޙީ މަރުކަޒު ހޮސްޕިޓަލެއްގެ ގޮތުގައި ތަރައްޤީކުރުމަށް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވައިފިއެވެ. އަރިއަތޮޅު އުތުރުބުރިއަށް ކުރައްވާ ދަތުރުފުޅުގައި ތޮއްޑޫ ރައްޔިތުންނާ ބައްދަލުކުރައްވައި އެމަނިކުފާނު ވިދާޅުވީ، މިހާރު މަސައްކަތް ފެށުމަށް ތައްޔާރުވެފައިވާ ޞިއްޙީ މަރުކަޒުގެ ބަދަލުގައި ދެން ކުރިއަށްގެންދާނީ ހޮސްޕިޓަލެއްގެ މަސައްކަތް ކަމަށެވެ. މި މަސައްކަތް ކުރިއަށްގެންދިއުމަށް ޞިއްޙީ ވުޒާރާގެ ލަފާވެސް ހޯއްދަވާފައި ވާކަމަށް އެމަނިކުފާނު ވިދާޅުވިއެވެ. އެގޮތުން، ޞިއްޙީ މަރުކަޒު ހޮސްޕިޓަލަކަށް ބަދަލުކުރުމަށް ބޭނުންވާ އޮޕަރޭޝަން […]
ލާމަރުކަޒީ ގާނޫނުގެ އިސްލާހުތަކާމެދު ވިސްނެވުމަށް ރައީސްގެ އަރިހުން ބޮޑުފޮޅުދޫ ކައުންސިލުގެ ރައީސް އެދިވަޑައިގެންފި
ލާމަރުކަޒީ ގާނޫނަށް ގެނެސްފައިވާ، އަދި ގެންނަ ބަދަލުތަކާމެދު އިތުރަށް ވިސްނެވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އަރިހުން، އއ. ބޮޑުފޮޅުދޫ ކައުންސިލުގެ ރައީސް ޝުޖާޢު އާދަމް އެދިވަޑައިގެންފިއެވެ. އޭނާ މިކަމަށް އެދިވަޑައިގެންފައިވަނީ، ރައީސް މުޢިއްޒު އއ. އަތޮޅަށް ކުރައްވާ ދަތުރުފުޅުގައި މިއަދު ހެނދުނު ބޮޑުފޮޅުދުއަށް ވަޑައިގެން އެ ރަށުގެ ރައްޔިތުންނާ ބައްދަލުކުރެއްވުމަށް ބޭއްވެވި ޖަލްސާގައި ޝުކުރު ދެންނެވުމުގެ ގޮތުން ދެއްކެވި ވާހަކަފުޅުގައެވެ. އޭނާ ވިދާޅުވީ، ކައުންސިލުގެ އިދާރީ އޮނިގަނޑު މިހާރުވެސް އޮންނަނީ ސިވިލް ސަރވިސް ކޮމިޝަނަށް ހުށަހަޅައިގެން […]
18 އަހަރުން ދަށުގެ ކުދިން ކުށުގެ ވެށީގައި އިތުރުވަމުންދާކަން ވަނީ ފާހަގަކުރެވިފައި: ފުލުހުން
އުމުރުން 18 އަހަރު ނުފުރޭ ކުދިން ކުށުގެ ވެށީގައި އިތުރުވަމުންދާކަން ފާހަގަކުރެވިފައިވާކަމަށް، ދިވެހި ފުލުހުންގެ ޚިދުމަތުން ބުނެފިއެވެ. ފުލުހުން މިއަދު ނެރުނު ނޫސްބަޔާނެއްގައި ބުނެފައިވަނީ، ފަހަކަށްއައިސް 18 އަހަރުން ދަށުގެ ފިރިހެން ކުދިން ގުރޫޕު ހަދައިގެން ތަންތަނުގައި އެއްވެ ތިބޭކަން ފާހަގަކުރެވިފައި ވާކަމަށެވެ. މިފަދަ ކަންކަމުގެ ސަބަބުން ކުޑަކުދިން ކުށުގެ މާހައުލަށް ހުށަހެޅޭކަމުގެ ކަންބޮޑުވުން ފުލުހުން ވަނީ ފާޅުކޮށްފައެވެ. އޭގެތެރޭގައި ގްރޫމިންގގެ ޝިކާރައަކަށް ކުދިން ވުމާއި، ރައްކާތެރި މާހައުލުތަކަށް ހުށަހެޅިގެންދިއުމާއި، މައިންބަފައިންނަށް ފިލައިގެން ގެއިން ނުކުމެގެންގޮސް ތަންތަނުގައި […]
ނޫސްވެރިކަމުގެ މިނިވަންކަން ގެއްލޭ ބިލެއް ހުށަހެޅުމަކީ ކަންބޮޑުވާކަމެއް: ފައިޞަލް ނަސީމް
ނޫސްވެރިކަމުގެ މިނިވަންކަން ގެއްލޭގޮތަށް ރައްޔިތުންގެ މަޖިލީހަށް ބިލެއް ހުށަހެޅުމަކީ ކަންބޮޑުވެވަޑައިގަންނަވާ ކަމެއް ކަމަށް، ކުރީގެ ނައިބު ރައީސް ފައިޞަލް ނަސީމް ވިދާޅުވެއްޖެއެވެ. އެކްސްގައި ކުރެއްވި ޕޯސްޓެއްގައި އެމަނިކުފާނު ވިދާޅުވީ، ޑިމޮކްރަސީއަށް މުހިންމު ބާރެއް ކަމަށްވާ ނޫސްވެރިކަމުގެ މިނިވަންކަން ނަގައިލުމަށްޓަކައި، މީޑިއާތަކުގެ ރަޖިސްޓްރީ ބާތިލުކޮށް، މީޑިއާތަކުން ބްރޯޑްކާސްޓުކުރުން ހުއްޓުވޭގޮތަށް ކޮމިޝަނެއް އުފައްދަވައި، އެ ކޮމިޝަނަށް ގިނަ މެންބަރުންތަކެއް އައްޔަންކުރެއްވުމުގެ ބާރު ރައީސުލްޖުމްޙޫރިއްޔާއަށް ލިބިވަޑައިގަންނަވާ ގޮތަށް މަޖިލީހަށް ބިލެއް ހުށަހެޅުމަކީ އެމަނިކުފާނު ވަރަށް ކަންބޮޑުވެވަޑައިގަންނަވާ ކަމެއް ކަމަށެވެ. ”ރަނގަޅު ވެރިކަމެއް […]
ފުލެޓު ލިސްޓުން އުނިކުރި މައްސަލަ ކޯޓަށް
ގެދޮރުވެރިޔާ ސްކީމުގެ ދަށުން ފުލެޓު ލިބޭނެކަމަށް ކުރީ ސަރުކާރުން އިޢުލާންކުރި ލިސްޓުގައި ހިމެނޭ މީހެއްގެ ޝަރުތު ހަމަނުވާކަމަށް، މި ސަރުކާރުން ނެރުނު ލިސްޓުގައި ކަނޑައަޅާފައިވާތީ އެ މައްސަލަ ސިވިލް ކޯޓަށް ހުށަހަޅައިފިއެވެ. އެ މީހާގެ ފަރާތުން އޭނާގެ ވަކީލު ހުށަހެޅި މި މައްސަލާގައި އެދިފައިވަނީ އޭނާގެ މުވައްކިލަށް ލިބޭނެކަމަށް ލިސްޓުގައި ކަނޑައެޅި ފުލެޓު އެހެން މީހަކާ ހަވާލުކުރުން ހުއްޓުވުމުގެ ވަގުތީ އަމުރެއް ނެރެދިނުމަށެވެ. ނޫސްވެރިންނަށް މަޢުލޫމާތު ދެމުން، އޭނާގެ ވަކީލު މުޙައްމަދު ނިޝާން އިބްރާހީމް ބުނީ، އެ […]
މަސްތުވާތަކެތީގެ މައްސަލާގައި ފ. ނިލަންދޫން 9 މީހުން، އަދި ކަލައިދޫން މީހަކު ހައްޔަރުކޮށްފި
މަސްތުވާތަކެތީގެ މައްސަލާގައި ފ. ނިލަންދޫން 9 މީހުން، އަދި ލ. ކަލައިދޫން މީހަކު ހައްޔަރުކޮށްފިއެވެ. ދިވެހި ފުލުހުންގެ ޚިދުމަތުން ބުނީ، ފ. ނިލަންދޫން ބަޔަކު ހައްޔަރުކޮށްފައިވަނީ އެ ރަށުގައި ހިންގި ދެ އޮޕަރޭޝަނެއްގައި ކަމަށެވެ. މީގެ ތެރޭން އެއް އޮޕަރޭޝަނަކީ ނިލަންދޫގެ ގެއެއްގައި މަސްތުވާތަކެތި ގެންގުޅެ، ބޭނުންކޮށް، އަދި އެ ތަކެތީގެ ވިޔަފާރިކުރާކަމަށް އިންޓެލިޖެންސަށް ލިބުނު މަޢުލޫމާތަކާ ގުޅިގެން ހިންގި އޮޕަރޭޝަނެއް ކަމަށް ފުލުހުން ބުނެއެވެ. ފުލުހުން ބުނީ، މި މަހުގެ 16 ވަނަ ދުވަހު ހިންގި […]
މަރާމާތަށްޓަކައި ބޮޑުތަކުރުފާނުމަގުގެ ބައެއް ބަންދުކުރަނީ
މަރާމާތަށްޓަކައި 18 އޯގަސްޓުން ފެށިގެން ބޮޑުތަކުރުފާނުމަގުގެ ވަކި ސަރަހައްދެއް އެއްގަމު އުޅަނދުފަހަރަށް ބަންދުކުރުމަށް ހަމަޖެހިފައިވާކަމަށް މާލޭ ސިޓީ ކައުންސިލުން ބުނެފިއެވެ. ސިޓީ ކައުންސިލުން ނެރުނު އިޢުލާނެއްގައި ބުނެފައިވަނީ، އެ މަގު ރަނގަޅު ފެންވަރަކަށް ހެދުމަށްޓަކައި 18 އޯގަސްޓުވާ ހޯމަ ދުވަހުން ފެށިގެން 13 އޮކްޓޯބަރުވާ ހޯމަ ދުވަހުގެ ނިޔަލަށް، އެ މަގުގެ އެއްފަޅި ބަންދުކުރުމަށް ހަމަޖެހިފައިވާކަމަށެވެ. މިގޮތުން، ބަންދުކުރުމަށް ހަމަޖެހިފައިވާ ސަރަހައްދަކީ މުޙައްމަދު އިސްމާޢީލް ދީދީ ގޯޅިން ފެށިގެން ރަސްމީ ފާލަމާ ހަމައަށް، ބޮޑުތަކުރުފާނުމަގުގެ އެއްފަޅިއެވެ. ބަންދުކޮށްފައި […]
ދަނޑުވެރިކަމާ ބެހޭ ވުޒާރާއިން ށ. އަތޮޅަށް ހާހަކަށްވުރެ ގިނަ ގަސް ފޮނުވައިފި
ކާނާގެ ރައްކާތެރިކަމުގެ ޔަގީންކަން އިތުރުކުރުމަށް ހިންގާ ”ފުޑްސެކިއުރިޓީ ޕްރޮގްރާމް“ގެ ދަށުން، ދަނޑުވެރިކަމާއި ދިރޭތަކެއްޗާ ބެހޭ ވުޒާރާއިން ށ. އަތޮޅުގެ ހަތަރު ރަށަކަށް ހާހަކަށްވުރެ ގިނަ ގަސް ފޮނުވައިފިއެވެ. މި ރަށްތަކަށް ފޮނުވާފައިވަނީ ޖުމުލަ 1159 ގަހެވެ. އޭގެތެރޭގައި ހިމެނެނީ އާއްމުކޮށް ރަށްރަށުގައި ހައްދާ ބާވަތްތައް ކަމަށްވާ އަލަ، ބަނބުކެޔޮ، ޖަނބުރޯލު، އަދި މުރަނގައެވެ. ދަނޑުވެރިކަމާ ބެހޭ ވުޒާރާއިން މި ގަސްތައް ފޮނުވާފައިވަނީ ރަށްރަށުގެ ގެތަކަށާއި އޮފީސްތަކަށެވެ. މިގޮތުން ގަސް ފޮނުވާފައިވާ ރަށްތަކަކީ: ށ. ފުނަދޫ – 65 […]
ޒުވާނުންގެ ކަންކަމުގައި ރައީސަށް ލަފާއަރުވާ ބޯޑުން މާހިލް އިސްތިއުފާދެއްވައިފި
ޒުވާނުންގެ ކަންކަމުގައި ރައީސަށް ލަފާއަރުވާ ބޯޑުން ޢަބްދުﷲ މާހިލް ޝަހީމް އިސްތިއުފާދެއްވައިފިއެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް މާހިލް ފޮނުއްވި އިސްތިއުފާގެ ސިޓީގައި ވިދާޅުވެފައިވަނީ، ތަޢުލީމު ހާސިލުކުރައްވައި ނިންމެވުމަށްފަހު ޤައުމަށް އުމަށް ޚިދުމަތްކުރައްވާނެ ކަމަށެވެ. ޒުވާނުންގެ ކަންކަމުގައި ރައީސަށް ލަފާ އަރުވާ ބޯޑުން މާހިލް އިސްތިއުފާ ދެއްވާފައި މި ވަނީ މިދިޔަ ބުރާސްފަތި ދުވަހު މެލޭޝިއާއިން ރާއްޖެ ވަޑައިގަތްއިރު އޭނާގެ ލަގެޖުން ވޭޕް ސާމާނުތަކެއް ފެނުނުކަމުގެ ޚަބަރުތައް ފެތުރިފައި ވަނިކޮށެވެ. ވޭޕް ސާމާނު ރާއްޖެއަށް އެތެރެކުރުމާއި ބޭނުންކުރުންވެސް […]
