އަހަރެމެން ދުނިޔޭގެ ވަރަށްގިނަ ގައުމުތަކަށް ހަތިޔާރު ވިއްކަމުން ގެންދާ ކަމަށާއި ޗައިނާއިންވެސް އެމެރިކާގެ ހަތިޔާރު ގަތުމަށް ދައުވަތު ދެއްވަން ބޭނުންވާ މޭރުމަކުން ރައީސް ޓްރަމްޕް ޗައިނާގެ ރައީސް ޝީ ޖިންޕިންއަށް ދެންނެވިކަމަށް މިދިޔަ އާދީއްތަ ދުވަހު ފޮކްސް ނިއުސްގައި ވާހަކަ ދައްކަވަމުން ޗައިނާގައި ހުންނަވާ އެމެރިކާގެ ސަފީރު ޑޭވިޑް ޕަރޑިއޫ ވިދާޅުވެފައިވެއެވެ.

އަދި އެމެރިކާގެ ހަތިޔާރު ގަންނަން ބޭނުންފުޅުތޯ އެއްސެވި ކަމަށްވެސް ސަފީރު ވިދާޅުވިއެވެ. އެހެންނަމަވެސް އެ ފަދަ ވާހައެއް ނުދެއްކޭ ކަމަށް ހޯމަދުވަހު ރައީސް ޓްރަމްޕް ވިދާޅުވެފައިވެއެވެ. ދެކެވުނު ވާހަކައަކީ އެމެރިކާގެ ހަތިޔާރުގެ ފެންވަރު މާ ރަނގަޅުވާނެ ކަމަށާއި އެމެރިކާއިން ހަތިޔާރު ގަތުން ޗައިނާއަށް ރަނގަޅު ކަމަކަށް ވެދާނެއެވެ. ޗައިނާއަށް ހަތިޔާރު ވިއްކުން އެމެރިކާގެ ގާނޫނު ހުއްދަ ނުކުރާ ކަމަށް އެމެރިކާގެ ޚާރިޖީ ވުޒާރާއިންވެސް ވަނީ ބުނެފައެވެ. ހަގީގަތުގައި މި ވާހަކަތައް މީޑިއާތަކަށް ތިލަވެގެން އައިސްފައިވަނީ ދެ ރައީސުންގެ މެދުގައި ތައިވާނާބެހޭގޮތުން ދެކެވުނު ވާހަކަތަކެއްގައި ކަމަށް ވެއެވެ. އެމެރިކާއިން ގެންދަނީ ތައިވާނަށް ހަތިޔާރު ވިއްކަމުންނެވެ. ޝީ ޖިންޕިން ގެންދަވަނީ އެކަމާ ދެކޮޅު ހައްދަވަމުންނެވެ. އެމެރިކާއިން މިހާރު 14 ބިލިއަން ޑޮލަރުގެ ހަތިޔާރު ވަނީ ހިފާއްޓާފައެވެ. ބޭނުމަކީ ތައިވާން އެމެރިކާގެ މުށުތެރޭގައި ހިފޭއްޓުމެވެ. ރައީސް ޓްރަމްޕްގެ މި ވިސްނުންފުޅުގެ ސަބަބުން ޖަޕާނާއި ފިލިޕީންސް ފަދަ އެމެރިކާގެ ބައިވެރިންގެ ކުރިމަތީގައިވެސް އެމެރިކާގެ އިތުބާރު ގެއްލޭނެއެވެ. މި ހާރުވެސް އެމެރިކާގެ އެންމެ ޒަމާނީ ހަނގުރާމަމަތީ ފައިޓަރޖެޓް އެފް-35 މަރުކާގެ ވަރަށް ޚާއްސަ ބައިތަކެއް ޗައިނާއަށް ލިބިފައިވުމާއެކު އެމެރިކާގެ ސްޓެލްތު ޓެކްނޯލޮޖީ ޗައިނާއިން ބޭނުންވާގޮތަށް ބަދަލު ކޮށްފާނެކަމުގެ ބިރުވެސް އޮތީ އުފެދިފައެވެ. އެމެރިކާގެ ހަތިޔާރު ގަންނަން ބޭނުންތޯ ރައީސް ޓްރަމްޕް ޗައިނާގެ ރައީސް ޝީ ޖިން ޕިން އަރިހުގައި ދެންނެވިކަމަށް ޗައިނާގައި ހުންނަވާ އެމެރިކާގެ ސަފީރު ވިދާޅުވުން ބައެއް މީޑިއާތަކުން ސިފަކުރަމުންގެންދަނީ އިންޑިއާއިން ޕާކިސްތާނަށް މިލިޓްރީ ހަތިޔާރު ވިއްކަން ނުވަތަ އިސްރާއީލުން އީރާނަށް މިލިޓްރީ އެހީތެރިކަން ފޯރުކޮށްދިނުމަށް މަސައްކަތް ކުރުމާ އެއްފަދަ ކަމުގައެވެ. އެމެރިކާގެ ސަފީރުގެ ބަސްފުޅުން ބުނާނަމަ ވަރަށް ގިނަ ގައުމުތަކަށް އަހަރެމެން މިލިޓްރީ ހަތިޔާރު ވިއްކަމުންގެންދަމެވެ. ޗައިނާއިންވެސް އަހަރެމެންގެހަތިޔާރު ގަންނަން ވީ ނޫން ހެއްޔެވެ. ރައީސް ޝީ ޖިން ޕިން އަރިހުގައި ރައީސް ޓްރަމްޕް ދެންނެވިއެވެ. ރައީސް ޝީ ޖިންޕިން އަށް ލިބިވަޑައިގަތީ އޭގެކުރިން ދުވަހަކުވެސް ލިބި ވަޑައި ނުގަންނަވާ ވަރުގެ ހައިރާންކަމެކެވެ. ދެއްވާނެ ޖަވާބެއްވެސް އެނގިވަޑައި ނުގެންނެވިއެވެ. މިއިން ރައީސް ޓްރަމްޕްގެ ހައްދުން ނައްޓާލަމުންދާ މޮޔަ ވިސްނުންފުޅު ވަރަށް ރަނގަޅަށް ހާމަވެގެން ދެއެވެ. ޓްރަމްޕްގެ ހިތްޕުޅުގައި އޮންނަނީ ވިޔަފާރިއެވެ. ކޮންމެ ގައުމަކާއެކުވެސް ވިޔަފާރިއެވެ. އެމެރިކާގެ އާދައިގެ މަތިން އެއީ ދޮގެއްކަމަށް ޖެހިގެން އައި ދުވަހު ވައިޓް ހައުސް އިން ބުނެފައި ވެއެވެ. ހަގީގަތުގައި މި ވާހަކަތައް ފެންމަތިވެގެން އައީ ތައިވާނާބެހޭގޮތުން ދެކެވުނު ވާހަކަތަކެއްގައި ކަމަށް ވެއެވެ. އެމެރިކާއިން ގެންދަނީ ތައިވާނަށް ހަތިޔާރު ވިއްކަމުންނެވެ. ޝީ ޖިންޕިން ގެންދަވަނީ އެކަމާ ދެކޮޅު ހައްދަވަމުންނެވެ. އެމެރިކާއިން މިހާރު 14 ބިލިއަން ޑޮލަރުގެ ހަތިޔާރު ވަނީ ހިފާއްޓާފައެވެ. ބޭނުމަކީ ތައިވާން އެމެރިކާގެ މުށުތެރޭގައި ހިފޭއްޓުމެވެ. ރައީސް ޓްރަމްޕްގެ މި ވިސްނުން ފުޅުގެ ސަބަބުން ޖަޕާނާއި ފިލިޕީންސް ފަދަ އެމެރިކާގެ ބައިވެރިންގެ ކުރިމަތީގައިވެސް އެމެރިކާގެ އިތުބާރު ގެއްލޭނެއެވެ. އެމެރިކާއާއިން އީރާނާ ދެކޮޅަށް ކުރަމުންގެންދާ ހަނގުރާމައަށް 7 މަސް ވެގެންދާއިރު މިހާރު އީރާނަށް ދެވިފައި އެވަނީ އެންމެ ފަހު ފުރުސަތު ކަމަށާއި އީރާނުން ގޮތްދޫކޮށް އެމެރިކާއިން ބޭނުންވާގޮތަށް އެއްބަސްވުމަކަށް އައުމެވެ. މި ފުރުސަތު ނަގާލައިފިނަމަ ފުށްޕާހަމަކަށް ވައިޖަހާފައި ގޮށްވާލާ ގޮތަށް އީރާން ގޮއްވާލާނެކަން ދޭހަވާ މޭރުމަކުން އިންޒާރު ދެއްވިތާ ގިނަ އިރުތަކެއް ނުވަނީސް ދެންފެނިގެންދިޔައީ ދުނިޔޭގެ ގިނަ ގައުމުތަކެއްގެ ވެރިން އީރާންގެ ރައީސް މަސްއޫދު ޕެޒެޝްކިއާން އަށް ސަލާން ކުރައްވަން ކިއޫ ހެއްދެވިމަންޒަރެވެ. މިއީ އިއްތިފާގެއް ނޫނެވެ. އެއީ އެމެރިކާގެ ރައްޔިތުންނަށް ދިން މެސެޖެކެވެ. އެމެރިކާ އެކަނިވެރި ވެއްޖެ ކަމުގެ މެސެޖެވެ. ދުނިޔޭގައި އެންމެ ބާރުގަދަކަމަށް ބެލެވޭ ލީޑަރުންގެ ސަފުން ގުނާލެވޭ ޗައިނާގެ ރައީސް ޝީ ޖިން ޕިން އާއި ރަޝިޔާގެ ރައީސް ލަޑިމީރް ޕޫޓިން، އިންޑިއާގެ ބޮޑުވަޒީރު ނަރެންދްރަ މޯޑީއާއި ތުރުކީގެ ރައީސް އުރްދުޣާން ހިނިތުން ވުމާއެކު ތިއްބެވީ ރައީސް ޑޮނާލްޑް ޓްރަމްޕްގެ ހުރިހާ ނިންމުމެއް އެ ބޭފުޅަކާ އިދިކޮޅަށް ރާވަމުން ގެންދަވާ އީރާންގެ ރައީސް އަރިހުގައި އެއްކޮޓަރިކޮޅެއްގައި ކެމެރާގެ ކުރިމަތީގައެވެ. އެބޭފުޅުންގެ ކުރިފުޅު މަތީގައި އޮތީ ހަމައެކަނި މެދުއިރުމަތީގެ ސުލްހައަށް މަގެއް ހޯދުމެވެ. ބޮން އަޅައި ގައުމުތައް ވީރާނާ ކޮށްލުމެއް ނޫނެވެ. އެމެރިކާގެ ޚަޒާނާއާބެހޭ ވަޒީރު ސްކޮޓް މެކް އީވާން، ސީ އެން ބީ ސީއަށް ވަޑައިގެން މުޅި ދުނިޔެއަށް ދެއްވި ބާރުގަދަ މެސެޖަކީ ތިޔަ ގައުމުތަކުން ތިބީ އެމެރިކާއާއެކުގައި ތޯ ނުވަތަ ނޫންތޯ ނިންމުމުގެ އެންމެ ފަހުގެ އިންޒާރެވެ. ދުނިޔެއަށް ބޮޑުވެގެންވާ އިގްތިސާދީ އިންގިލާބެއް އެމެރިކާއިން ގެނުވާނަމެވެ. މި ބާރުގަދަ އިންޒާރަށް ގައުމަކަށްފަހު ގައުމަކުން ގެންދިޔައީ އެކި ސިފަސިފައިގާ ނޫނެކޭ ބުނަމުންނެވެ. އެކަމަކު އެ ނިންމުމަކީ އެމެރިކާއާ ދެކޮޅު ވިސްނުމެއް ގެންގުޅުމެއްވެސް ނުމެނޫނެވެ. އެކަމަކު އެމެރިކާއިން އީރާނާ ދެކޮޅަށް އަޅަމުންގެންދާ ދަތިކުރުމުގެ ކޮންމެ ފިޔަވަޅަކަށް ރުހިގެން ނުތިބެވޭނެކަން ބުނެދިނުމެވެ. ކޮމެޑީ ފިލްމު ކުޅެން ނޫޅެ ފިސާރި ފިރިހެން ވަންތަ ގޮތުގައި ދެމިތިބެވޭތޯ ބަލަން ކެނެޑާގެ ބޮޑުވަޒީރު މާރކް ކާރނީ އެމެރިކާއަށް ވިދާޅުވެފައިވާ ކަމަށްވެސް މީޑިއާ ތަކުގައި ދައުރުވަމުން އެބަދެއެވެ. މި ހުރިހާ ދެކޮޅުނުޖެހޭ ވާހަކަތައް މީޑިއާތަކުގެ ފަލަ ސުރުޚީ އަށް ބަދަލު ވެފައިވާއިރު ޖީ-20 ގެ ސަމިޓްގައި ރަޝިޔާގެ މާލީ ވަޒީރަށް މަރުހަބާ ދަންނަވަން އެމެރިކާގެ ދާޚިލީ ވަޒީރު ގެންދަނީ ހިނިތުން ވެފައިވާ މޫނަކާއެކު ތައްޔާރު ވަމުންނެވެ. އެ ފޮޓޯތަކުން މަގުތައް ވަނީ ފުރާލާފައެވެ. ރަޝިޔާގެ ރައީސް ލަޑިމީރު ޕޫޓިންއަކީ އީރާނުގެ ނިއުކްލިއަރ ޕްރޮގްރާމް އާއި އަދި މިލިޓްރީއަށް އެހީތެރިކަމާއި އެތައް ބިލިއަން ޑޮލަރެއްގެ މާލީއެހީ ހޭދަކުރަމުންގެންދަވާ ބޭފުޅެއްކަން ސިއްރެއް ނުކުރެވޭނެއެވެ.