2020 ވަނައަހަރު ޔުނައިޓެޑް އެރެބް އެމިރެޓްސް އާއި އިސްރާއީލާދެމެދު ސިޔާސީ ގުޅުން ގާއިމް ކުރެވުމާއެކު ދެ ގައުމުގެ މެދުގައި ވައިގެ ދަތުރުފަތުރުގެ ޚިދުމަތް ދިނުންވެސް ފަށައިގަނެވުނެވެ.

އިއްޔެ ސެޕްޓެމްބަރ 30 ވަނަ ދުވަހު ޔުނައިޓެޑް އެރެބް އެމިރެޓްސް އިން އިސްރާއީލުގެ ބެންގޫރިއަން އިންޓަރނޭޝަނަލް އެއާރޕޯރޓަށް އުދުހެމުންދިޔަ ފްލައި ދުބައިގެ ފްލައިޓް އެފް ޒީ 1073 ގެ ޕައިލެޓަށް އޭނާގެ ކޯ-ޕައިލެޓް ވަޅިއަކުން ހަމަލާދީ ބޯޓު ވައްޓާލަން މަސައްކަތް ކުރިކަމަށް ތުހުމަތު ކުރެވިއްޖެއެވެ.

އިސްރާއީލުގެ ބޮޑުވަޒީރު ބުނެފައިވަނީ އެ ހާދިސާއަކީ އިސްރާއީލުގެ ރައްޔިތުންނަށް ދިން ޓެރަރިސްޓް ހަމަލާއެއް ކަމަށާއި އިސްރާއީލުގެ އޮފިޝަލުން އެ ހާދިސާ ތަހްގީގުކުރަމުންގެންދާނެ ކަމަށެވެ. މި ހާދިސާއާއި ގުޅިގެން އިމަރޖެންސީ ހާލަތުގައި އެ ފްލައިޓްވަނީ ސައޫދީ އެރޭބިއާގެ ޕްރިންސް ސުލްތާން ބިން އަބްދުލް އަޒީޒު އިންޓަރނޭޝަނަލް އެއާރޕޯރޓް ( އާންމު ކޮށް މަޝްހޫރުވެފައި ތާބޫކް އެއާރޕޯރޓަށް ) ޖައްސާފައެވެ. ސައޫދީ އެރޭބިއާއިން މިހާރު ގެންދަނީ ހަމަލާދިން ޕައިލެޓްގެ މައްސަލަ ތަހްގީގު ކުރަމުންނެވެ.އިސްރާއީލުގެ ދިފާއީ ވަޒީރު ބުނެފައިވަނީ އެ ހާދިސާއަކީ އެއީ ޖިހާދީ ހަމަލާއެއްކަމަށެވެ. އަދި އިސްރާއީލުގެ ސަލާމަތާބެހޭ ވަޒީރު އިތާމަރ ބެން ގުއިރް އެ ހާދިސާއާމެދު ބުނެފައިވަނީ އެއީ ޓެރަރިސްޓް ހަމަލާއެއް ކަމަށާއި ޓެރަރިސްޓުންނާމެދު އެއްވެސް އެއްބަސްވުމަށް އާދެވިގެންނުވާނެކަމަށެވެ. އޭނާ މިހެންބުނިއިރު އޭނާގެ މިލިޓްރީން ގައްޒާއާއި ފަލަސްތީނުގެ ބިމުގައި ހިންގަމުން ގެންދާ ގަތުލު އާންމުގެ މަތިން ހަނދާނެތިއްޖެއެވެ. އަދި ޚުދު އޭނއަކީ ގަތުލު އާންމުގެ ޖަރީމާގައި ހައްޔަރުކުރަން ދުނިޔޭގެ ޖިނާއީ ކޯޓުން އަމުރުނެރެފައިވާ މީހެއްކަންވެސް ހަނދާނުން ފޮހެވިއްޖެއެވެ. ވަނަވަރު ހާމަނުކުރުން ޝަރުތުކޮށް މީޑިއާއަށް ވާހަކަދެއްކި އިސްރާއީލުގެ އޮފިޝަލަކު ބުނެފައިވަނީ ވަޅިން ހަމަލާދިން ޕައިލެޓް ނިސްބަތްކުރެވެނީ އޮމާނަށް ކަމަށެވެ. އެހެންނަމަވެސް އެމިރެޓްސް އާއި އޮމާނުން އެ ހާދިސާގައި މިހާތަނަށް އެއްވެސް އެއްޗެއް ބުނެފައެއް ނުވެއެވެ. ފްލައިޓް އެމިރެޓްސް އިން އުދުއްސާލިތާ ދަ ގަޑި ބައި ފަހުން އިމަރޖެންސީ އާންމު ކޯޑް 7700 ވަނީ ޓްރާންސްމިޓް ކޮށްފައެވެ. އަދި އޭގެފަހުން 7500 ޓްރާންސްމިޓް ކޮށްފައެވެ. މި ހާދިސާއާ ގުޅިގެން އެންމެ ދެ މިނިޓްތެރޭގައި 17000 ފޫޓް ފްލައިޓް ތިރިވެއްޓުނުކަމަށްވެއެވެ. އަދި އެ ވަގުތުކޮޅު ތެރޭގައި ޖޯރޑްންއަށް ޖެއްސުމުގެ ބަދަލުގައި ތާބޫކް އެއާރޕޯރޓް އިޚްތިޔާރު ކުރެވުނީކަމަށް ވެއެވެ. މި ހާދިސާއާއި ގުޅިގެން ފްލައިޓްގެ ކެބިން ކުރޫން ފްލައިޓްގެ ކޮކްޕިޓްގެ ކޮންޓްރޯލް އަތުލައި ރައްކާތެރިކަމާއެކު ފްލައިޓް ތާބޫކަށް ޖެއްސީކަމަށް އިސްރާއީލުގެ އޮފިޝަލުން އެސޯޝިއޭޓެޑް ޕްރެސްއަށް މައުލޫމާތު ދީފައި ވެއެވެ. ވީޑިއޯ ކޮށްފައިވާ މަންޒަރުތަކުން ފަސިންޖަރުންގެ ރުއިމުގެ އަޑާއި އަދި ފްލައިޓްގެ ފްލޯރގައި ލެއިން ތަތްތެޅިފައިވާ ޕައިލެޓްގެ ހަށިގަނޑު ފެންނަންއޮތެވެ. ކޯ-ޕައިލެޓް އުޅުނީ ޖާނުންފިދާ ވުމުގެ ހަމަލާއެއްގައި ޕައިލެޓް މަރާލާށެވެ. ފްލައިޓްގައި ތިބި ހިތްވަރު ގަދަބަޔަކު ކޯ-ޕައިލެޓްގެ މައްޗަށް ބާރުހިންގައި އަދި ފްލައިޓް ދުއްވުމުގެ މައުލޫމާތު ލިބިފައިތިބި ބަޔަކު ވެއްޓެމުން ދިޔަ ބޯޓު ހަމަޔަކަށްއަޅުވައި ރައްކާތެރިކަމާއެކު ތާބޫކް އެއާރޕޯރޓަށް ޖެއްސީއެވެ. ނަސީބަކުން ބޯޓުގައި ޑަކްޓަރަކުވެސް ހުރުމާއެކު ޒަޚަމްކޮށްލާފައިވާ ޕައިލެޓަށް ވަގުތީ ފަރުވާވެސް ހަމަޖެހިގެން ދިޔައީއެވެ. ފްލައިޓުން ދަތުރުކުރި މަރިޔަމް ޝިރާ އޯހައިޔޯން ޓެލްއަވީވު އެއާރޕޯރޓްގައި ހުރެފާ އޭނާގެ މަންމައަށް ފޯނުން ކިޔާދީފައި ވެއެވެ. އިސްރާއީލުގެ އޮފިޝަލުންނަށް ޚަބަރު ލިބުމާއެކު އެއީ އެބޯޓުން ދަތުރުކުރި އިސްރާއީލުގެ ފަސިންޖަރުންނަށް އަމާޒުކޮށް ހިންގި ހަރަކާތަކަށް ވެދާނެ ކަމަށާއި އަދި ފްލައިޓް ތިންވަނަ ގައުމަކަށް ގެންގޮސްފާނެކަމަށްބަލައި ތިބީ ޖެހިލުން ވެފައެވެ. އެހެންނަނަމަވެސް ބޮޑުވަޒީރު ނަތަންޔާހޫގެ އޮފީހުން މައުލޫމާތު ހާމަކޮށްއިވަނީ އެއީ ޕައިލެޓްއާއި ކޯ-ޕައިލެޓްގެ މެދުގައި ޖެހުނު މައްސަލައެއްކަމަށެވެ. އެހެންނަމަވެސް ޕައިލެޓުންގެ މެދުގައި ޖެހުނީ ކޮން މައްސަލައެއްކަން މިހާތަނަށްވެސް އޮޅުންފިލާގޮތެއް ނުވެއެވެ. އިސްރާއީލަށް ދަތުރުކުރާ މަގުމަތީގައިވިޔަސް ސައޫދީ އެރޭބިއާގެ ވައިގެ ބަނދަރުތަކަށް ފްލައިޓް ޖެއްސުން އޮންނަނީ މަނާކޮށްފައެވެ. މިހާތަނަށް އިސްރާއީލުގެ ފްލައިޓެއް ރިޔާޒް އެއާރޕޯރޓަށް ޖައްސަން ހުއްދަ ދީފައިވަނީ ހަމައެކަނި 2025 ވަނަ އަހަރު މެޑިކަލް އިމަރޖެންސީއެއް ގައެވެ.