ބޭނުންވާ ތަކެތި:
1 ޕެކެޓް ޕާސްތާ
1 ބޮޑު ފިޔާ
3 ލޮނުމެދު
1 ކެޕްސިކަމް
2 ހިކަނދިފަތް
1 ދަޅު މަސް
2 މޭޒުމަތީސަމުސާ ޓޮމާޓޯ ޕޭސްޓް
3 މޭޒުމަތީސަމުސާ ޗިލީ ސޯސް
1 ސައިސަމުސާ ލޮނު
2 މޭޒުމަތީސަމުސާ ތެޔޮ

ތައްޔާރުކުރާނެ ގޮތް:
ފިޔައާއި ލޮނުމެދު ކުދިކޮށް ކޮށާލާށެވެ. ގާތްގަނޑަކަށް 5 މިލިމީޓަރު ހުންނަވަރަށް ކެޕްސިކަމް ބުރިބުރިކޮށްލާށެވެ. ފިޔާ، ލޮނުމެދު، ހިކަނދިފަތް އަދި ކެޕްސިކަމް 2 މޭޒުމަތީސަމުސާ ތެލުގައި މީރުކޮށްލާށެވެ. ބޭނުންނަމަ މަސްދަޅުގައި ހުންނަ ތެޔޮފޮދުގައިވެސް މީރުކޮށްލެވިދާނެއެވެ.
ފިޔާގަނޑު މިލައިލުމުން ޓޮމާޓޯ ޕޭސްޓް، ޗިލީ ސޯސް އަދި 1 މޭޒުމަތީސަމުސާ ލޮނު އަޅައި އެއްކޮށްލާށެވެ. ދެން މަސްކޮޅު ފުނޑުވާލުމަށްފަހު އަޅާލައި އެއްކޮށްލާށެވެ.
ޕާސްތާ ޕެކެޓުގައި ދީފައިވާ އިރުޝާދާ އެއްގޮތަށް ފެނުކައްކާލާށެވެ. ކެކުމުން ފުރާނާފައި، ތައްޔާރުކުރި ސޯސްގަނޑު ޕާސްތާއާ އެއްކޮށްލާށެވެ.
މި ރެސިޕީގައި ޗީޒް ހިމަނާފައި ނުވިނަމަވެސް ކާއިރު ޗީޒް އަޅާލެވިދާނެއެވެ.