އައު އަހަރާ ދިމާކޮށް ބަނގުރަލާއި މަސްތުވާތަކެތީގެ މައްސަލަ އިތުރުވެދާނެ ކަމަށް ބެލެވޭތީ ފުލުހުން ޚާއްސަ އޮޕަރޭޝަނެއް ފަށައިިފިއެވެ.
ފުލުހުން މިއަދު ނެރުނު ބަޔާނެއްގައި ބުނީ އައު އަހަރާ ދިމާކޮށް ބަނގުރަލާއި މަސްތުވާތަކެތީގެ ބޭނުންކޮށް، އެތަކެތި ވިއްކައި ވިޔަފާރިކުރުން އިތުރުވެގެންދާނެ ކަމަށް ބެލެވޭތީ، ޑްރަގް އެންފޯސްމަންޓާއި، ހުޅުމާލެ ޕޮލިސްއާއި، މެރިން ޕޮލިސްއާއި، ކ.އަތޮޅު ޕޮލިސް ސްޓޭޝަންތައް ގުޅިގެން އިއްޔެ ޚާއްސަ އޮޕަރޭޝަނެއް ފަށާފައިވާ ކަމަށެވެ.
މި އޮޕަރޭޝަންގައި ހުޅުމާލެ ފަޅުތެރެ ޕެޓްރޯލްކުރުމާއި، ރަށުތެރެއަށް ބަނގުރާ އަރުވައި، ބަނގުރާ ވިއްކާ ކަމަށް ޝައްކުކުރެވޭ ކެފޭ، ރެސްޓޯރަންޓްތައް މޮނީޓަރ ކުރާނެ ކަމަށް ފުލުހުން ބުންޏެވެ.
އަދި ގާނޫނާއި ގަވާއިދާ ޚިލާފުވާ ފަރާތްތަކާމެދު ފިޔަވަޅު އެޅުމުގެ މަސައްކަތް ކުރަމުންދާނެ ކަމަށް ފުލުހުން ވަނީ ބުނެފައެވެ.
