ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) ގެ މެނޭޖިން ޑިރެކްޓަރުކަމުގެ މަގާމަށް މ.ދޫރެސް މުޙައްމަދު މަޢުރޫފް ޖަމީލު މިއަދު އައްޔަންކޮށްފިއެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން އެކްސްގައި ކުރި ޕޯސްޓެއްގައި ބުނީ އެޗްޑީސީގެ މެނޭޖިންގ ޑިރެކްޓަރުގެ މަގާމާއި، ޑިރެކްޓަރުންގެ ބޯޑުގެ މެންބަރު ކަމުގެ މަގާމަށް މަޢުރޫފް އައްޔަން ކޮށްފައިވާ ކަމަށެވެ.
މަޢުރޫފަކީ ހުޅުމާލެ ހިއްކުމާއި ތަރައްގީކުރުމުގެ ޕްރޮޖެކްޓުގައި އިސް ދައުރެއް އަދާކުރެއްވި ބޭފުޅެކެވެ.
އެޗްޑީސީގެ މެނޭޖިންގ ޑިރެކްޓަރުގެ މަގާމު ހުސްވީ އެ މަގާމުގައި ހުންނެވި އިބްރާހިމް ފަޟުލް ރަޝީދު އެ މަގާމުން ރޭ އިސްތިއުފާ ދެއްވުމުންނެވެ.
ޕީސީބީއިން ވަނީ ފަޟުލްގެ އިސްތިއުފާ ގަބޫލުކޮށް މިއަދުން ފެށިގެން އެ މަގާމުން އޭނާ ވަކިކޮށްފައެވެ.
