ސޫރިޔާގައި ހިނގަމުންދާ ހަމަނުޖެހުންތަކަށް ބޮޑު ބަދަލެއް ގެނެސް، ރައީސް ބައްޝާރުލް އަސަދު ވެރިރަށް ދިމިޝްގު ދޫކޮށް ފިއްލަވައިފިއެވެ. އަސަދު ފިއްލަވާފައި މި ވަނީ، ހަނގުރާމަވެރިންގެ ފައުޖުތަކުން އެއްބާރުލުން ދީގެން ކުރި މަސައްކަތަށް ފަހު ކަމަށް ރިޕޯޓްތައް ބުނެއެވެ. އަސަދުގެ ވެރިކަން ފުނޑުފުނޑުވާން ފަށާފައި މިވަނީ ހަނގުރާމަވެރި ޖަމާއަތްތަކުން އެގައުމުގެ މުހިންމު ސަރަހައްދުތަކުގެ ކޮންޓްރޯލް އަތުލުމުން ކަމަށް ގިނަ ރިޕޯޓުތައް ބުނެއެވެ.
ސީރިއާގެ ތިންވަނައަށް އެންމެ ބޮޑު ސިޓީ ކަމަށްވާ ހޯމްސް ހަލުވިކަމާއެކު ވެއްޓުމަކީ، ސްޓްރެޓެޖިކް ސަޕްލައި ރޫޓާއި ރަޝިޔާގެ އަސްކަރީ މަރުކަޒުތަކަށް ވަނުމުގެ ފުރުސަތު ކަނޑާލައި، ވެރިކަމަށް ލިބުނު ވަރަށް ބޮޑު ގެއްލުމެކެވެ. އޭގެ ފަހުން ހަޔާތު ތަހްރީރު އަލް ޝާމް (އެޗްޓީއެސް) އާއި އިދިކޮޅު އެހެން ޖަމާއަތްތައް ހިމެނޭ ގޮތަށް ބަޣާވާތްކުރާ ފެކްޝަންތައް ވަނީ ދިމިޝްގުގެ ބޭރުފުށަށް ގޮސް، ދެކޮޅުވެރިކަމާ އެކު ކުރިއަށް ޖެހިފަ އެވެ.
ރިޕޯޓްތައް ބުނާ ގޮތުން ސަރުކާރު ސިފައިން ވަނީ އެމީހުންގެ މަގާމުތައް ދޫކޮށް، އާންމުންނާ އެއްކޮށް ކުރިއަރަމުން އަންނަ ސިފައިންގެ ކިބައިން ސަލާމަތްވުމަށް މަސައްކަތް ކޮށްފަ އެވެ. ރައީސް އަސަދު ދިމިޝްގުން ފިއްލަވާފައި ވަނީ ވަރުގަދަ ސެކިއުރިޓީއެއްގެ ދަށުން ކަމަށް ބެލެވޭ އިރު، ރައީސް އަސަދު ދިރިއުޅުއްވާ ސީދާ ތަނެއް އަދި ނޭނގެ އެވެ.
ސޫރިޔާގެ އަސްކަރިއްޔާގެ އޮފިޝަލުން ވަނީ މި ނުރައްކާތެރި ޙާލަތު ޤަބޫލުކުރައްވައި، އަސަދުގެ ވެރިކަން ނިމުމަކަށް އައިސްފައިވާކަމަށް އިސް އޮފިސަރުން ޤަބޫލުކުރައްވާކަމަށް ރިޕޯޓުތައް ބުނެއެވެ. ވެރިރަށުން ފާޅުވާ ފޮޓޯތަކުން ފެންނަ ގޮތުގައި އަލަށް މިނިވަންކުރި ސަރަހައްދުތަކުގައި އާންމުން އުފާފާޅުކުރާ މަންޒަރަކީ ވެރިކަމާ ދެކޮޅަށް ގިނަ ބަޔަކު ދެކޮޅު ހަދާކަމުގެ އިޝާރާތެކެވެ.
ރައީސް އަސަދު ކުއްލިގޮތަކަށް ވަކިވެވަޑައިގަތުމަކީ ސީރިއާގައި 10 އަހަރު ވަންދެން ހިނގަމުންދާ ހަމަނުޖެހުންތަކުގައި ރަމްޒީ އަދި މުހިންމު ދަނޑިވަޅެއް އަދި ހަނގުރާމައިގެ ހާލަތު ގޯސްވެފައިވާ ސޫރިޔާގެ މުސްތަގުބަލާ މެދު ސުވާލު އުފެދޭ ކަމަށެވެ.
