ސްޓެލްކޯއަށް 7 މިލިއަން ޑޮލަރުގެ ގެއްލުންވާ ގޮތަށް އެ ކުންފުނީގެ ކުރީގެ މެނޭޖިން ޑިރެކްޓަރު އަޙްމަދު ޝަރީފް ސެޓުލްމަންޓް އެގްރީމަންޓެއްގައި ސޮއިކުރެއްވި މައްސަލައެއް އެންޓި ކޮރަޕްޝަން ކޮމިޝަން (އޭސީސީ) އަށް ހުށަހަޅައިފިއެވެ.
ސްޓެލްކޯގެ ކުރީގެ މެނޭޖްމަންޓުން ޗައިނާގެ ޑޮންގްފަންގް އިލެކްޓްރިކް އިންޓަނޭޝަނަލް ކޯޕަރޭޝަން (ޑީއީސީ) އަށް ބަދަލުގެ ގޮތުގައި 7.8 މިލިއަން ޑޮލަރު ދިނުމަށް 2023 ވަނަ އަހަރުގެ ސެޕްޓެމްބަރު 14 ގައި އެއްބަސްވުމެއްގައި ސޮއިކުރެއްވި މައްސަލަ މިދިޔަ މަހުގެ ފަހުކޮޅުގައި ވަނީ ރައްޔިތުންގެ މަޖިލިހުގެ ސަމާލުކަމަށް ވެސް ގެނެސްފައެވެ.
މަޖިލިހަށް ފޮނުވި ސިޓީގައި ބުނެފައިވަނީ ސެޓްލްމަންޓު އެއްބަސްވުމުގައި ޝަރީފު ސޮއިކުރެއްވީ ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑުން އަންގާފައިވާ އެންގުމާ ޚިލާފަށް އަދި ސްޓެލްކޯ އަށް ގެއްލުންވާ ގޮތަށް ކަމުގައެވެ.
އެއްބަސްވުމުގައި ސޮއިކޮށްފައިވަނީ ކުންފުނީގެ ބޯޑުގެ ޑިރެކްޓަރުންނަށް އޮޅުވާލައިގެން ކަމަށް ބެލެވޭތީ, މި މައްސަލަ ތަހުގީގު ކޮށްދިނުމަށް ސްޓެލްކޯ އިން މިދިޔަ ޖުލައި މަހު އޭސީސީގައި ވަނީ އެދިފައެވެ.
މި މައްސަލައާ ގުޅިގެން ސްޓެލްކޯ އަދި އޭސީސީގެ ބަހެއް ނުލިބެއެވެ.
One Response
އެކަންތައްގަނޑުހިންގިއިރު މިހާރުގެ އެމްޑީ އެތަނުގައި ހުންނެވީހަމަހޭގަތޯ ނުބަލާނަންތޯ