މަތީ ތަޢުލީމުދޭ މަރުކަޒުތަކުން އިސްތިހާރު ކުރަމުން ގެންދާ ޕްރޮގްރާމްތަކަށް އެންރޯލްވުމުގެ ކުރިން، އެ ޕްރޮގްރާމް އިސްތިހާރު ކޮށްފައިވަނީ މޯލްޑިވްސް ކޮލިފިކޭޝަންސް އޮތޯރިޓީ
(އެމްކިއުއޭ) އިން ހުއްދަ ދީފައިވާގޮތަށްކަން ކަށަވަރުކުރުމަށް އެ އޮތޯރިޓީން އިލްތިމާސްކޮށްފިއެވެ.
އެމްކިއުއޭއިން ކުރި އިއުލާނެއްްގައި ބުނީ މަތީ ތަޢުލީމާއި ތަމްރީނު ދޭ ގިނަ މަރުކަޒުތަކަކުން ދަނީ އެ މަރުކަޒުތަކުގައި ހިންގުމަށް ބޭނުންވާ ގިނަ ޕްރޮގްރާމްތަކެއް ސޯޝަލް މީޑިއާގެ މަންސަތަކުގައި އިސްތިހާރު ކުރަމުން ކަމަށެވެ.
އެހެންކަމުން ކިޔަވާ ދަރިވަރުން އެ ޕްރޮގްރާމަކަށް އެންރޯލް ވުމުގެ ކުރިން، އެ ޕްރޮގްރާމް އިސްތިހާރު ކޮށްފައިވަނީ އެމްކިއުއޭއިން ހުއްދަ ދީފައިވާ ގޮތަށް ކަން ކަށަވަރުކޮށް ކިޔެވުން ފެށުމުގެ ކުރިން އެ ޕްރޮގްރާމަކާ ބެހޭ މައުލޫމާތު ހޯދުމަށް އެ އޮތޯރިޓީން ވަނީ އިލްތިމާސް ކޮށްފައެވެ.
އެމްކިއުއޭއިން ބުނީ އެ އޮތޯރިޓީން ހުއްދަ ދީފައިވާ ޕްރޮގްރާމްތަކުގެ ލިސްޓާއި އަދި އެހެނިހެން މައުލޫމާތު މި އޮތޯރިޓީގެ ވެބްސައިޓުން ލިބޭނެ ކަމަށެވެ.
ވެބްސައިޓްގެ ލިންކް: https://mqa.gov.mv/en/qualifications-register-introduction
ވެބްސައިޓްގެ ލިންކް: https://old.mqa.gov.mv/institutes/local
