އިސްލާމީކް މިނިސްޓަރ ޑރ.މުޙައްމަދު ޝަހީމް ޢަލީ ސަޢީދަކީ ހަގީގަތާ ޚިލާފު އިލްޒާމުތައް އަޅުވައިގެން ފަހަތަށް ޖެއްސޭނެ ބޭފުޅެއްނޫން ކަމަށް ރައްޔިތުންގެ މަޖިލީހުގެ ރައީސް ޢަބްދުއްރަޙީމް ވިދާޅުވެއްޖެއެވެ.
ޢަބްދުއްރަޙީމް މިހެން ވިދާޅުވެފައި މިވަނީ ޑރ. ޝަހީމް އަންހެނަކާއެކު ބަދުއަޚުލާގީ އަމަލު ހިންގި ކަމަށް ބުނެ, “ހަސަން ކުރުސީ“ ގެ ނަމުގައި ހަދާފައިވާ އެކްސް އެކައުންޓަކުން ވީޑިއޯތަކެއް އާންމުކޮށްފައިވަނިކޮށް އެއީ ފޭކް ވީޑިއޯތަކެއްކަން ހާމަވުމުން އެކްސްގައި ކުރެެއްވި ޕޯސްޓެއްގައެވެ.
ޢަބްދުއްރަޙީމް ވިދާޅުވީ އިސްލާމީކް މިނިސޓަރ ޑރ.މުޙައްމަދު ޝަހީމް ޢަލީ ސަޢީދަކީ ފުރައްސާރަކޮށް ހަގީގަތާ ޚިލާފު އިލްޒާމުތައް އަޅުވައިގެން ފަހަތަށް ޖެއްސޭނެ ބޭފުޅެއްނޫން ކަމަށެވެ. އަދި ޑރ. ޝަހީމަކީ އެއަށްވުރެ ޢަޒުމު ވަރުގަދަ ބޭފުޅެއް ކަމަށް ޢަބްދުއްރަޙީމް ވިދާޅުވިއެވެ.
“އެއީ މިހާތަނަށް ދިވެހިރާއްޖެ ދުށް އެންމެ ގާބިލް އެންމެ ހިންގުންތެރި އިސްލާމިކް މިނިސްޓަރ“ ޢަބްދުއްރަޙީމް ވިދާޅުވިއެވެ.
ޢަބްދުއްރަޙީމްގެ ހެޔޮ ބަސްފުޅުތަކަށް މިނިސްޓަރު ވަނީ ޝުކުރު އަދާކުރައްވައިފައެވެ.
އެގޮތުން “ރައްޔިތުންގެ މަޖިލީހުގެ ޢިއްޒަތްތެރި ރައީސް ތި ދެއްވި ހިތްވަރަށް ޝުކުރު ދަންނަވަން“ ކަމަށާއި މަނިކުފާނު އަބަދުވެސް “އަޅުގަނޑުމެންނަށް ހިތްވަރު ދެއްވާކަމީ މަސައްކަތަށް ލިބޭ އާދިރުމެއް“ ކަމަށް ޑރ. ޝަހީމް ވަނީ ވިދާޅުވެފައެވެ.
