މަހުޖަނަކަށްވީނަމަވެސް، ބިލް ގޭޓްސް އެދޭ ހުރިހާ ކަމަކީ ދުނިޔޭގެ އެންމެ ގަބޫލުކުރަންޖެހޭ ކަންކަމެއް ނޫނެވެ. ގުދުރަތީ ހޮތުން ލިބެން ހުންނަ އެއްގަމު މަހުގެ ބާވަތްތަކުގެ ބަދަލުގައި، ތައްޔާރީ މަސްތަކާއި، ކެވޭ ފަނިފަކުސަ ބާޒާރުތަކަށް ނެރެ، އެތަކެތި ނޫންގޮތެއް ނޯންނަ ގޮތައް ބާޒާރު ބަދަލުކުރުމަށް ބިލް ގޭޓްސް މަސައްކަތް ކުރާތާ އެތަކެއް އަހަރުތަކެއް ވެއްޖެއެވެ.

އެގޮތުން، ތައްޔާރީ މަހާއި ކާނާއަކީ މުސްތަގުބަލުކަމަށް ބުނެ، ދަނޑުވެރި، ހުއިހައްޕާ ގައުމުތަކުން ގެރިފަދަ ނައަމްސޫފި ގެންގުޅުން މަނާކުރުމަށް ގޭޓްސް ބާރު އަޅާފައިވާއިރު، އޭނާގެ މި ޚިޔާލަށް ބާރުދޭ ޢިލްމީ ހެއްކެއް އޭނާ ދާއްކާފައެއް ނުވެއެވެ. އަދި އިންޓަވިއުތަކުގައި އޭނާ ދައްކާފައިވަނީ ގޭޓްސް ފައުންޑޭޝަނުގެ ކުންފުނިތަކުން ރިޕޯޓުކޮށްފައިވާ ކަންކަމުގެ ވާހަކަތައް އެކަންޏެވެ. ދެން މިހާރު ގޭޓްސްގެ ކަޅި ހުއްޓިފައި އޮތީ ސިންގަޕޫރަށެވެ.

މިގޮތުން، ސިންގަޕޫރުގެ ހައުސް އޮފް ސީފުޑް ރެސްޓޯރެންޓުގައި މަހުގެ ބޮލުން ތައްޔާރުކުރާ ރިހަ ގެންނަނީ، ކްރިކެޓްސް ނަމަކަށް ކިޔާ ފަނިފަކުސަ މުރަނަކޮށް ތެއްލައިގެނެވެ. މިރެޒްޓޯރެންޓަކީ އެގައުމުގެ ފުޑް އޮތޯރިޓީއިންކާނާގެ ތެރޭގައި އެންމެ ރަނގަޅުކަމަށްބުން 16 ވައްތަރުގެ ފަނިފަކުސަ ކެޔުމުގެ ހުއްދަ ދިނުމާއި ގުޅިގެން، ކާބޯތަކެތީގައި މިބާވަތްތައް ބޭނުންކުރަން ފެށި ފުރަތަމަ ރެސްޓޯރެންޓެވެ.

ބިލް ގޭޓްސް ގެންގުޅޭ ކާބޯތަކެތި ބަދަލުކުރުމުގެ ސިޔާސަތައް ތާއީދުކުރާ ގައުމުތަކުން ގަބޫލުކުރަނީ، ކެއިންބުއިމުގެ ކަންކަމަށް މިއަށްވުރެ ރައްކާތެރި ގޮތެއް ނެތްކަމަށެވެ. އެހެންނަމަވެސް، މި ވާހަކަތަކާއެކު، އެސަރުކާރުތަކުން ދަނޑުވެރިންނަށާއި ހުއިހައްޕާ ފަރާތްތަކަށް ކާބޯތަކެތި އުފެއްދުމަށް ދަތިކުރާކަން އާންމުންނަކާއި ހިއްސާނުކުރާނެއެވެ.

މަސައްކަތާއި، ބަވަނަވެފައިވާ ދުނިޔޭގައި ދުވަހުން ދުވަހަށް ކުރަންޖެހޭ ކަންކަން ހުރުމާއެކު، ބާޒާރަށް ގޮސއ ގަންނަ ކާބޯތަކެއްޗަށް މާބޮޑު ސަމާލުކަމެއް ނުދެވޭނެކަން ޔަގީނެވެ.