ޔޫރަޕިއަން ޔޫނިއަނުން 18 އޭޕްރިލް ވަނަ ދުވަހު ފާސްކުރި ގަވާއިދާއި އެކު 5 އަހަރު ދުވަހުގެ މުއްދަތަކަށް ދެމިގެންދާ ހާއްސަ މަލްޓި-އެންޓްރީ ޝެންގެން ވިސާއެއް އިންޑިއާ ރައްޔިތުންނަށް ލިބިގެންދާނެއެވެ.
ޔޫރަޕިއަން ޔޫނިއަނުން އިންޑިއާއާއި ބޫޓާނަށް ކަނޑައަޅާފައި ހުންނަ ހާއްސަ ޑެލެގޭޝަނުން ހާމަކޮށްފައިވާ ގޮތުގައި ތަސްދީގުކުރެވުނު އައު ގަވާއިދާއެކު އިންޑިއާ ޕާސްޕޯޓު އޮންނަ ފަރާތްތަކަށް އެވިސާ ހަމަޖެހުމުގެ ކަންކަން ފަސޭހަވެގެން ދާނެއެވެ.
މީގެއިތުރުން، ވިސާގެ މުއްދަތުގައި، އެއްވެސް ވިސާއަކާއި ނުލައި ދަތުރުކުރެވޭ ފަރާތްތަކަށް އޮންނަހާ ފަސޭހައިން އެއްގައުމުން އަނެއްގައުމަށް ދަތުރުކުރުމުގެ ކަންކަން އިންޑިއާ މީހުންނަށް ހަމަޖެހޭނެކަން ވެސް އެ ޑެލެގޭޝަނުން ވަނީ ހާމަކޮށްފައެވެ.
