ރަޝިއާގެ ވެރިރަށް މޮސްކޯއަށް ދިން ޓެރަރިސްޓް ހަމަލާ ކުށްވެރިކޮށް ފަލަސްތީނުގެ މުޖާހިދުންގެ ޖަމިއްޔާ، ހަމާސްއިން ބަޔާނެއް ނެރެފިއެވެ.
ހަމާސްއިން ނެރުނު ބަޔާނުގައި ބުނެފައިވަނީ އެތައް ބަޔަކު މަރާލައި ގިނަ ބަޔަކު ޒަހަމްކޮށްލައި ރަޝިއާގެ އާންމުން ދިރިއުޅޭ ސަރަހައްދަކަށް ދިން ނިރުބަވެރި ހަމަލާ އެންމެ ހަރުކަށި ބަހުން ކުށްވެރި ކުރާކަމަށެވެ.
މީގެއިތުރުން، ރަޝިއާ ސަރުކާރާއި އާންމުންގެ ހިތާމައިގައި ބައިވެރިވާކަން ފާހަގަކޮށް ހަމާސްއިން ބުނީ މަރުވި ފަރާތްތަކުގެ އާއިލާތަކަށް ތައުޒިޔާ ކިޔައި، ޒަހަމްވި ފަރާތްތަކަށް އަވަށް ޝިފާއަކަށް އެދޭކަމަށެވެ. އަދި މި ހިތާމަވެރި ހާދިސާގައި ހަމާސް އޮތީ ރަޝިއާއާއި، ރަޝިއާގެ ރައްޔިތުންނާއި، އަނިޔާވި ފަރާތްތަކާއި، އެފަރާތްތަކުގެ އާއިލާތަކާއެކުގައި ސާބިތުވެކަމަށްވެސް ހަމާސް އިންވަނީ ބުނެފައެވެ.
