އިޒްރޭލުން ޣައްޒާގައި ކުރާ ހަނގުރާމައިގައި އިޒްރޭލަށް ތެލާއި ހަކަތަ ފޯރުކޮށްދީގެން ވާގިވެރިވާ ގައުމުތަކުގެ ތެރޭގައި އަރަބި ގިނަ ގައުމުތަކެއް ހިމެނޭކަން ރިޕޯޓުތަކުން ދައްކައިފިއެވެ.
މިގޮތުން، އޮއިލް ޗޭންޖް އިންޓަނޭޝަނަލް އިން ނެރުނު ރިޕޯޓަކުން ދައްކާފައިވާގޮތުގައި، އިޒްރޭލަށް ސާފުތެލާއި ރިފައިންޑް ތަކެތި އެތެރެކުރާ ސަޕްލައި ޗެއިންތަކަށް ބަލާއިރު، އިޒްރޭލަށް އެންމެ ގިނަ އަދަދެއްގެ ތެޔޮ އެތެރެކުރަނީ އެމެރިކާއިންނެވެ. އަދި މި ހަނގުރާމަ ފެށުނު ފަހުން އެމެރިކާއިން ޖީޕީ8 ޖެޓް ފިއުލް ތިން ޓޭންކަރު އިޒްރޭލަށް ވަނީ އެތެރެކޮށްދީފައެވެ.
ހަނގުރާމަ ފެށިފަހުން އިޒްރޭލަށް އެތެރެކުރާ ސާފުތެލުގެ އެންމެ ބޮޑުބައި ހިއްސާކުރަނީ އަޒަރްބައިޖާންއާއި ކަޒަކިސްތާނުން ކަމުގައިވާއިރު ސައުދީ އަރަބިއާއާއި، ޔޫއޭއީ އާއި، އިރާޤާއި، މިސްރުފަދަ އަރަބި ގައުމުތަކުން ތެޔޮ ވިއްކާ ސުމޭދް ޕައިޕްލައިނުންވެސް އިޒްރޭލަށް ސާފުތެޔޮ ފޯރުކޮށްދެއެވެ. މީގެ އިތުރުން، ރަޝިއާއިންވެސް އަންނަނީ އިޒްރޭލަށް ބޭނުންވާ ތެޔޮ ފޯރުކޮށްދެމުންނެވެ.
One Response
ދުނިޔެ ގިޔާމަތް ވުމުގެ ޢަލާމާތް. ސައޫދީ އަރަބިޔާ ޝަހާދަތުގެ ދެކަލިމަ ލިޔެފައިވާ ދިދަ އުފުލާކަށް ނުވާނެއެވެ. އެދިދައިން މުސްލިމުންނަށް ޙިމާޔަތެއް ލިބިނުދީ މަރަންވެސް މަރަނީއެވެ. ހާދަ ދެރައޭ. ސުބުޙާނަﷲ