ޣައްޒާގެ ރަފާހްގައި ހުންނަ މީހުން ދިރިއުޅޭ ގެތަކަކަށް އިޒްރޭލުން ދިން ވައިގެ ހަމަލައެއްގައި ފަލަސްތީނުގެ 14 މީހަކު ޝަހީދުވެ، ގިނަ ބައެއް އެ ގެތަކުގެ ދަށުގައި ތާށިވެއްޖެއެވެ.
ހޮނިހިރު ދުވަހު ދިން މިހަމަލާގައި އައްސަލާމް ހިސާބުގަނޑުގައި ހުރި ހަތަރު ބުރީގެ އިމާރާތެއް މުޅިން ބިމާ ހަމަކޮށްލާފައިވާއިރު، ޝަހީދުވި މީހުންގެ ތެރޭގައި އަދި ގާތަކުގެ ދަށުގައި ތާށިވި މީހުންގެ ތެރޭގައި ގިނައީ ކުޑަކުދީންނާއި އަންހެނުންނެވެ.
އިޒްރޭލުން ޖަބަލަޔާއާއި ނުސެއިރަތު ރެފިއުޖީ ކޭމްޕުތަކަށް ދިން ހަމަލާތަކުގައިވެސް ގިނަ ބަޔަކު ވަނީ ޝަހީދުކޮށްލަައިފައެވެ.
