މާރާމާރީތަކާއެކު ނާމާންކަން ފެތުރި، ހައިޓީގެ ޕޯރޓަ ޕްރިންސް ގައި ހުންނަ އެމއރިކާ އެމްބަސީގެ ސަލާމަތީ ކަންކަން ވަރުގަދަކުރުމަށްޓަކައި އެމެރިކާގެ މެރިނުންގެ ޓީމެއް ފޮނުވާފައިވާކަން އެމެރިކާގެ ސަދަން ކޮމާންޑުން ހާމަކޮށްފިއެވެ.
އެމެރިކާއިން ފޮނުވި މެރިނުންގެ ޓީމުގެ އިތުރުން، ޑިޕްލޮމެޓިކް ސެކިއުރިޓީގެ ޓެކްޓިކަލް މުވައްޒަފުންގެ ޓީމުތަކާއި، ސްޓޭޓް ޑިޕާޓްމަންޓްގެ މުވައްޒަފުންވެސް ހައިޓީއަށް ވަނީ ފޮނުވާފައެވެ.
ހައިޓީގައި ހިނގާ ދާޚިލީ ހަމަނުޖެހުންތަކާއެކު ހައިޓީގެ އެކްޓިންގް ބޮޑުވަޒީރު އެރިއެލް ހެންރީ ވަނީ އޭނާ ހުރި މަގާމުން ހޯމަދުވަހު އިސްތިއުފާ ދޭނެކަން އިއުލާނުކޮށްފައެވެ. ސަރުކާރާއޮ ދެކޮޅު އެއްވުންތަކާއި، ގޭންގުތަކުން ހިންގާ ހަމަނުޖެގުން އުފެއްދުމުގެ އަމަލުތަކާއި ގުޅިގެން، ހެންރީ މަގާމުގެ މަސްއޫލިއްޔަތުތައް ދޫކޮށްލުމާއެކު، އެމަސައްކަތްތަކާއި ހަވާލުވާނީ ރިޔާސީ ކައުންސިލަކުންނެވެ.
ހައިޓީގެ ގޭންގުތައް ބާރުވެރިކޮށް ގައުމު ހަލަބޮލިކުރާކަމުގެ ތުހުމަތު އެމެރިކާގެ މައްޗަށް މީގެކުރިން ކުރެވިފައިވާއިރު، އެމެރިކާ ސަރުކާރާއި އިދިކޮޅު ގައުމުތަކުން ގަބޫލުކުރާ ގޮތުގައި މިއީ އިގްތިޞާދީ ގޮތުން ގައުމެއް ކުރިއަރައިގެން ދިޔުން ހުއްޓުވުމަށްޓަކައި އެމެރިކާއިން ގެންގުޅޭ އުކުޅެއް ކަމަށާއި، ހަމަނުޖެހުމާއި ބިރުވެރިކަން އުފައްދައިގެން ކުށްވެރިން ބާރުވެރިކުރުވާ ކަމަށެވެ. އެހެންނަމަވެސް އެމެރިކާއިން ވަނީ މިކަން ތަކުރާރުކޮށް ދޮގުކޮށްފައެވެ.
