މީޑިއާ ޚަބަރުތަކުގައި ފަލަޝުރުޚީއިން އެމެރިކާގެ ހަނގުރާމަމަތީ ބޯޓުތަކުން އިރުމަތީ ސީރިޔާގައި ހުރި އީރާނާ ގުޅުންހުރި ކަމަށް ޕެންޓަގަނަށް ޝައްކުކުރެވޭ ތަންތަނަށް ބޮން އަޅައިފިކަމަށް ޕެންޓަގަނުން ބުނެފިއެވެ.  

އަދި އެއީ އެ ސަރަޙައްދުގައި ހުރި އެމެރިކާގެ މަސްލަޙަތު ތަކަށް ޙަމަލާ ދެމުންގެންދާތީ ކަމަށްބުނެ އެމެރިކާއިން ކަނޑައެޅި ނިޔާއެއް ކަމަށާއި އީރާނާއި ގުޅުން ހުރި ފަރާތްތަކުން މުސްތަގްބަލު ގައިވެސް އެމެރިކާގެ މަސްލަޙަތުތަކާއިނުކުޅެވޭނެ ކަމަށް ދިން އިންޒާރެއް ކަމަށްވެސް ބުނެފައިވެއެވެ.

ފަލަސްތީނާއި އާއި އިސްރާއީލާ ދެމެދު ކުރެވެމުންދާ ހަނގުރާމަ އިތުރަށް ފުޅާވެގެން ދާން އެމެރިކާ ބޭނުމެއް ނުވެއޭ ބުނަމުން ގެންދެއެވެ. ނަމަވެސް އެމެރިކާއިން ބޭނުން ކޮންމެ ކަމެއް ކުރެވެން ޖެހޭނެއެވެ.

އެހެންބަޔަކު ޗުއްޕުވެސް ބުނެގެން ނުވާނެއެވެ. އެހެން މީހުން އިސްރާއީލުން ނާއި އެމެރިކާއިން ފަލަސްތީނު ފުނޑާލައި 1 މިލިޔަން މީހުން މަރައި ބިކަޙާލުގައި ޖައްސާއިރު ބަލަންތިބެން ބުނަމުން ގެންދަނީއެވެ. މިއީ ދައްޖާލުގެ އިންސާފުނޫންހޭ ނޫނީ ދެން ބުނާނީ ކީކޭ ހެއްޔެވެ؟ އެއްލޯ އަވަރުވިޔަސް މިއީ ތަންކޮޅެއް ބޮޑުވަރެވެ.            

އެމެރިކާގެ ވަރަށް އިސް މިލިޓްރީ ދެ އޮފިޝަލަކު ބުނެފައިވަނީ އެފް-16 މަރުކާގެ ހަނގުރާމަމަތީ 2 ބޯޓުން ޙަމަލާ ދީފައިވާނީ ސީރިޔާގެ އިރުމަތީ ސަރަޙައްދުން ފުރާތުކޯރުގެ އައްސޭރިގައި އޮންނަ އަބޫ ކަމާލް ސިޓީގައި ހުރި އީރާނާއި ގުޅުންހުރި ހަތިޔާރު ރައްކާކޮށްފައި ހުރި ތަންތަނަށް ކަމަށެވެ. އަދި އެތަނުގައި ތިބެނީ ހަމައެކަނި އީރާނާ ގުޅުންހުރި ހަނގުރާމަވެރިން ކަމަށްވެސް ބުނެފައިވެއެވެ. 

އެހެންނަމަވެސް ކިހާވަރެއްގެ ބާރެއް ބޭނުން ކުރިކަމާއި އަދި ލިބުނު ގެއްލުން ބުނެދޭން ނޭންގޭ ކަމަށްވެސް އެ އޮފިޝަލުން ބުނެފައިވެއެވެ. އެ ޙަމަލާގެ ވާހަކަ ކިޔާދޭން އެ އޮފިޝަލުން ނޫސްވެރިންނާ ބައްދަލުކުރީ ވަނަވަރު ހާމަނުކުރުން ޝަރުތު ކޮށްފައެވެ. އެ އޮފިޝަލުން ބުނެފައިވާ ގޮތުގައި އެ ޙަމަލާތަކުން އޮންނާނީ އީރާނުން ވާގިވެރިކަން ލިބޭ ހަނގުރާމަ ވެރިންނަށް ފިސާރި ރަނގަޅު ފިލާވަޅެއް ދީފައެވެ. 

ޙަމަލާތައް އަމާޒުކުރީ ކޮން ޖަމާއަތަކަށްތޯ ނޫސްވެރިން ސުވާލު ކުރުމުން ޖަވާބުގައި ބުނެފައިވަނީ އޭގެ އެތައް ޖަމާއަތެއް އޮންނަ ކަމަށާއި ނަންތައް ނޭންގޭ ކަމަށެވެ. އަދި ބޭނުމަކީ އެމެރިކާއާއި ނުތޮޅެން އީރާނަށް ވިސްނާދިނުން ކަމަށެވެ.އަހަރެމެން ޙަމަލާދޭނެ ވަގުތާއި ތަން ކަނޑައަޅާނީ އެކަމަށް އަހަރެމެން ބޭނުންވީމައެވެ. މިއީ އެމެރިކާގެ އިންސާފު ދެކެބަލާށެވެ!

މެދުއިރުމަތީ ގައި ތިބި އެމެރިކާގެ ސިފައިންނާއި ރައްޔިތުންނާއި އަދި އެމެރިކާގެ މަސަލަޙަތަށް ގެއްލުންދޭނަމަ އެކަމުގެ ރައްދު ދޭނެކަމަށް ރައީސް ބައިޑަންވެސް ވަނީ އީރާނުގެ ރައީސް ޚާމަނާއިއަށް އިންޒާރު ދެއްވާފައެވެ.

އެހެންނަމަވެސް ޙަމާސް އާއި އިސްރާއީލާ ދެމެދު ހިނަގުންދާ ހަނގުރާމައިގާއެމެރިކާ ސިފައިންގެ އެއްވެސް ދައުރެއް ނޯންނާނެ ކަމަށްވެސް ބުނެއެވެ.                                                         

ޕެންޓަގަނުން ބުނެފައިވަނީ އޮކްޓޯބަރ 17 ވަނަދުވަހުގެ ފަހުން މިހާތަނަށް އެމެރިކާގެ ރައްޔިތުންވެސް ހިމެނޭ ގޮތުގައި އިރާގާއި ސީރިޔާގައި ހުރި އެމެރިކާގެ މަސްލަޙަތު ތަކަށް ނަވާރަ ޙަމަލާ ދީފައިވާ ކަމަށާއި ބުރާސްފަތި ދުވަހު އިތުރު ތިން ޙަމަލާ ދީފައިވާކަމަށް އެއަރފޯސްގެ ބްރިގޭޑިއަރ ޖެނެރަލް ޕެޓް ރައިޑަރ މަޢުލޫމާތު ދީފައިވާކަމަށެވެ.

މި ޙަމަލާތަކުގައި އެމެރިކާގެ 21 ރައްޔިތަކު ވަނީ ޒަޚަމް ވެފައެވެ.                          

މިކަމާއި ގުޅިގެން ދިފާއީ ވަޒީރު އައުސްޓެން ބުނެފައިވަނީ އެމެރިކާގެ ޙަމަލާތަކަކީ އެމެރިކާގެ ރައްޔިތުންނާއި އެމެރިކާގެ މަސްލަޙަތު ތަކަށް ކެނޑިނޭޅި އިރާގުންނާއި ސީރިޔާއިން ދެމުންގެންދާ ނާކާމިޔާބު ޙަމަލާތަކަށް ދިން ރައްދެއް ކަމަށެވެ. އަދި މިބާވަތުގެ ޙަމަލާތަކަށް އެމެރިކާއިން ލޯމަރާލައިގެންވެސް ނޯންނާނެއެވެ.