ޔޫރަޕުގެ ހޫނުމިން އިޔާދަނުކުރެވޭ ވަރަށް މައްޗަށް ދިޔުމާއެކު، އިރުން ހަކަތަ އުފައްދާ ސޯލާ ޕެނަލްތައް ހަރުކޮށް ހޫނު މޫސުމުގައި ފިނިކުރުމަށް ބޭނުންވާނެ އިތުރު ކަރަންޓުގެ މައްސަލައަށް ހައްލު ހޯދައިފިއެވެ.
ޖޫންމަހުގައި، ދުނިޔޭގެ ފިނިހޫނުމިން ދުވަހަކުވެސް ނުދާހާ މައްޗަށް އަރައިގެން ދިޔުމާއެކު، ދެކުނު ޔޫރަޕުގެ ގައުމުތަކަށް އޭގެ އަސަރުވަނީ ވަރަށް ބޮޑަށް ކޮށްފައެވެ. އެގޮތުން، ހޫނުމިން މަތިވުމާއެކު، ވަލު ސަރަހައްދުތަކުގައި ރޯވެ އެނދުމާއި، ފެނަށް ޖެހުމުގެ ސަބަބުން މީހުންވެސް މަރުވެފައިވެއެވެ.
އެހެންނަމަވެސް އިރުން އުދެއްދި ހަކަތައިން މި މައްސަލަތަކަށް ފާހަގަކުރެވޭ ހައްލެއް ލިިބިފައިވެއެވެ.
ފާއިތުވެ ދިޔަ ހަފްތަާތަކުގެ ތެރޭގައި ދިމާވި ކަރަންޓުގެ މައްސަލައަށް އިރުގެ ހަކަތައިން ލުއި ހޯދައި ދިން އިރު، ރިކޯޑު އަދަދަކަށް ހޫނުމިން މަތިވުމާއެކު، އެއަރ ކޮންޑިޝަނަށް އޮތް ޑިމާންޑުވެސް އަތްނުފޯރާފަށަށް އަރައިގެން ދިޔަކަމަށް ރޮއިޓާސް އިން ރިޕޯޓުކޮށްފައިވެއެވެ.
މީގެ އިތުރުން، އިރުގެ ހަކަތަ އެންމެ ބޮޑަށް ރައްކާކުރެވޭނީވެސް ސަމާ މޫސުމުގައި، ދުވަހުގެ އެންމެ ހޫނު ގަދަ ވަގުތުގައި ކަމަށް ވުމާއެކު، ވަމުންދިޔަ ހޫނުގެ ސަބަބުން ކަރަންޓު ބޭނުންވި މިންވަރަށް އިރުގެ ހަކަތަ ރައްކާކުރުމަށް ފަސޭހަވެގެން ދިޔައެވެ.
