ނޭޓޯގެ ގައުމުތަކުން ޖުލައި މަހު ބައްދަލުވުމަށް ތައްޔާރުވެފައިވާއިރު، ކުރިމަތިވަމުންދާ ފިއްތުންތަކާއެކު ވެސް ސްވިޑެންގެ ނޭޓޯ އެޕްލިކޭޝަން ގަބޫލުކުރުމަށް ތުރުކީގެ ރައީސް ރަޖަބް ޠައްޔިބު އުރުދުޣާން ދެކޮޅު ހައްދަވައިފިއެވެ.
ބެލެވޭގޮތުގައި ހުޅަނގުގެ އޮފިޝަލުން ގަބޫލުކޮށްގެން ތިބީ އުރުދުޣާންގެ ޚިޔާލުފުޅު މިކަމުގައި ބަދަލުކުރައްވާނެ ކަމަށެވެ. އެއީ މިދިޔަ މަހު އެތައް މަސައްކަތްތަކެއް ކުރެއްވުމަށްފަހު އުރުދުޣާން ވެރިކަމުގެ އިތުރު ދައުރަކަށް އިންތިޚާބުވެފައިވުމާއެކު، މި މައްސަލާގައި އެހެން ގައުމުތަކުން ލިބެމުންދިޔަ ލަފާއަށް އޭނާ ބައްލަވާނެކަމަށް ގަބޫލުކުރެވޭތީއެވެ.
”ސްވިޑެން ބޭނުންވާ ގޮތެއް އޮވެދާނެ. އެކަމަކު އޭގެ މާނައަކީ އަހަރެމެން އެމީހުންގެ އެދުންތަކަށް ލެނބޭނެއެކޭއެއް ނޫން.“ އުރުދުޣާން ވިދާޅުވެފައިވެއެވެ.
