ތުރުކީގައި ހަރަކާތްތެރިވަމުންދިޔަ އިރާނުގެ ޓާގެޓުންނާއި ދެކޮޅަށް މަސައްކަތް ކުރަމުންދިޔަ އިސްރާއީލުގެ އިންޓެލިޖެންސް އޭޖެންސީއެއް ކަމަށްވާ މޫސާދަށް ނިސްބަތްވާ ބަޔަކު ތުރުކީގެ އިންޓެލިޖެންސުން ހޯދާފައިވާކަމަށް ތުރުކީގެ މީޑިއާތަކުން ވަނީ ރިޕޯޓުކޮށްފިއެވެ.
ތުރުކީގެ ގައުމީ އިންޓެލިޖެންސް އޭޖެންސީ، އެމްއައިޓީއާއި ހަވާލާދީ ޑެއިލީ ޞަބާޙުން ރިޕޯޓުކޮށްފައިވާ ގޮތުގައި، 18 މަހުގެ އޮޕަރޭޝަނަކަށްފަހު އެ ގައުމުންވަނީ 15 މީހުންގެ ސެލްއެއް ހޯދާފައެވެ. އަދި އެ ރިޕޯޓުގައި ބުނެފައިވަނީ އެ ސެލްގައި އިސްރާއީލުން ތަމްރީނު ހޯދާފައިވާ އެކަކު ހުރިކަން ޔަގީންކުރެވިފައިވާކަމަށެވެ.
ރިޕޯޓުތައް ބުނާގޮތުންނަމަ 11 މީހުން މިހާރު ހައްޔަރުކުރެވިފައިވާއިރު، ދެން ތިބި މީހުން ހޯދުމުގެ މަސައްކަތް ދަނީ ކުރިއަށެވެ.
ޚަބަރުލިބޭގޮތުގައި މި ސެލްގައި އިސްކޮށް ހަރަކާތްތެރިވެފައިވަނީ، ސެލްޗުކް ކުޗުއްކަޔާ ނަމަކަށް ކިޔުނު ވިޔަފާރިވެރިއެކެވެ. އަދި ނޫސްތަކުން ވަނީ އޭނާގެ ތަސްވީރުވެސް އާންމުކޮށްފައެވެ.
One Response
ތިކަހަލަ ކޮންމެ ނުލަފާ ޓެރަރިސްޓް ކަމެއްގައި އިޒްރޭލު އުޅޭނެއެވެ. އެހެނަށް ކުރެވާނެ މާބޮޑު ކަމެއްނެތެވެ. އެހެނީ އެމީހުގެ ހުރިހާ އެފަދަ އޮޕަރޭޝަންއެއް އެމެރިކާއަށް އޯކޭ ވާތީއެވެ. ވަރަށް ދެރައެވެ.